Odelice! (The ONE)

奧運係巴黎舉行，搞到我都諗起法國餐，The One 呢間法式餐廳，環境好靚。午餐時間黎到，有得叫brunch set。Starter我地簡左餐湯同埋炸黑松露蘑姑球。餐湯係青豆湯，第一次飲，好香濃既青豆味，飲落好creamy。我自己好鐘意蘑姑球，外面炸到好香脆，內面個醬汁好重黑松露，好香。阿根廷安格斯肉眼牛扒 肉質鮮嫩，易咬，而且配埋個醬，好好食。薯條熱辣辣，好香脆。蟹肉牛油果benedict流心蛋再配埋蟹肉牛油果呢個組合，食落好fresh，配埋酸種面包，好夾。而且食落幾飽肚。餐飲選擇都好多，簡左熱茶， 店員仲詢問問唔要奶，最後比左breakfast tea我，而且仲有lotus餅乾。甜品叫左馬卡龍，有3款口味，每款都唔會太甜，好食。