ÉPURE

营业中

休息中

家中老闆 安排左去試一間法國餐廳食午餐，佢講我知個陣，我真係會諗起細個話第日食法國餐一定要食多舊魚既笑話，即時感覺自己好OLD SCHOOL。呢間都係好野，午餐個「SET DOR」有飽有前菜主菜甜品，仲可以優惠價錢配酒，其實都好抵。又黎有圖有真相﹕我想先講，佢個飽真係好好食，我食完仲好厚面咁要多一SET，配佢個牛油真係堅好食。前菜我同家中老闆都鍾情牛肉他他，好食，他得黎一條條好有肉感，欖油加陳醋，好開胃好送酒。面頭仲有塊雞皮，脆口。家中老闆主菜就係法國菜既魚，雖然唔記得係咩魚，不過一疏疏肉咁食，而家睇番都口水流。我就食個pork belly兩食，一件係燒一件係炆，好「豬」。最後甜品，係 梳夫里，我唔多食甜都覺佢好食，重有個架度幾件好出色既甜點，其實都真係幾好。食完走人已經下午三點，見到出面食CAKE飲荼既台已經坐滿哂人，家中老闆話佢既甜品原來好出名。雖然我真心點頭認同，不過下次食都係食午餐好，呢度食個甜點點夠食個午餐咁開心。