麵屋神匠

营业中

休息中

自從開多左日本過江龍嘅拉麵店，本地亦都見到多咗走中高檔路線嘅拉麵店，佢哋都有一個共通點，就係麵質會較爽同硬身，湯底非常濃郁，然後就係，會有沾麵食。呢間餐廳喺油麻地地鐵站隔離，店鋪長方型以細枱為主，牆上掛著招牌拉麵，環顧所見，大家都係食呢幾款為主。我自己就叫咗呢度嘅蕃茄蝦湯沾麵，最間餃子，同埋要罐可樂；飲品選擇方面偏少，以罐裝飲品同埋啤酒為主，未見有奶茶、咖啡。沾麵湯底香濃，有非常多櫻花蝦在湯的中央，濃郁味道來自蝦汁同蕃茄，湯底溫度適中，不會太熱，麵質硬身，條條分明，乾爽有口感，叉燒經火炙過，肥膏豐富，配上一塊塗上羅勒醬的多士，清新解油膩，多士亦吸收晒叉燒滲出的油份。滷蛋蛋汁順滑，配菜豐富。小食方面，餃子新鮮炸起，熱辣辣幾好食，但肉汁偏少，略有炸得過乾的感覺。總括而言，拉麵水平高於水平，特別是在湯底及麵質方面，技術研究細緻；但小食仍有向上進步的空間。此外，餐廳亦可以提供更多飲品選擇，而非局限在罐裝飲品，讓食客可以按自己興趣、需要，選擇最佳的拉麵配搭。