影片
更多
2014-07-01
605 浏览
由於七一放假尋晚諗住同老婆拍拖出街食飯, 醒起VCITY 有間日本料理好似幾吸引, 日日番工都經過但未試過, 就BOOK位去試下, 估唔到有驚喜~~一早打去BOOK 夜晚8點, 電話中已經感覺到店員的熱情, 去到的時候估唔到俾左間4人房我, 如此私人空間真係0岩晒拍拖由於第一次來唔知食乜好, 就叫侍應推介, 最後叫左刺生, 海膽汁燒蠔, 沖繩海鮮煎餅, 加個三文魚三文魚子燒飯先來一杯MOMO(桃)特飲, 清新桃味加上梳打調配, 酸酸甜甜好開胃海膽汁燒蠔, 店員所謂必食推介, 一上枱感覺並不吸引, 但放入口好驚喜夾起燒蠔成隻放入口, 熱辣辣口感鬆軟又唔油膩, 面上的海膽汁鮮甜無腥味, 剩喺鐵板上的海膽汁如果加點壽司飯應該都係絕配~~~ 呢個海鮮沖繩煎餅入面有尤魚, 蝦同魚(食唔出係咩魚), 配上木魚, 沙律醬同紫薑, 用料新鮮, 厚薄適中, 條邊仲好脆添, 結果成條邊俾老婆食晒...只留番中間煎餅部份俾我賣相吸引睇見已經想食, 每日沖繩直送海鮮, 仲可以自己慢慢揀, 日日不同款, 叫左三文魚, 活帶子同牧丹蝦, 是日三文魚特價, $33/4片厚切, 超值老婆至愛牧丹蚊, 鮮甜至極, 蝦頭
由於七一放假尋晚諗住同老婆拍拖出街食飯, 醒起VCITY 有間日本料理好似幾吸引, 日日番工都經過但未試過, 就BOOK位去試下, 估唔到有驚喜~~一早打去BOOK 夜晚8點, 電話中已經感覺到店員的熱情, 去到的時候估唔到俾左間4人房我, 如此私人空間真係0岩晒拍拖
由於第一次來唔知食乜好, 就叫侍應推介, 最後叫左刺生, 海膽汁燒蠔, 沖繩海鮮煎餅, 加個三文魚三文魚子燒飯
先來一杯MOMO(桃)特飲, 清新桃味加上梳打調配, 酸酸甜甜好開胃
海膽汁燒蠔, 店員所謂必食推介, 一上枱感覺並不吸引, 但放入口好驚喜
夾起燒蠔成隻放入口, 熱辣辣口感鬆軟又唔油膩, 面上的海膽汁鮮甜無腥味, 剩喺鐵板上的海膽汁如果加點壽司飯應該都係絕配~~~
呢個海鮮沖繩煎餅入面有尤魚, 蝦同魚(食唔出係咩魚), 配上木魚, 沙律醬同紫薑, 用料新鮮, 厚薄適中, 條邊仲好脆添, 結果成條邊俾老婆食晒...只留番中間煎餅部份俾我
賣相吸引睇見已經想食, 每日沖繩直送海鮮, 仲可以自己慢慢揀, 日日不同款, 叫左三文魚, 活帶子同牧丹蝦, 是日三文魚特價, $33/4片厚切, 超值
老婆至愛牧丹蚊, 鮮甜至極, 蝦頭都唔可以放過~~活帶子味道較淡口, 質感厚實, 同平時外邊食到的明顯不同, 可以一試
三文魚三文魚子燒飯, 燒過的飯團配以三文魚子同熟的三文魚, 燒過的飯團很香, 三文魚子份量足, 只係略嫌乾身, 如果可以配點醬汁更佳雖然只係試左幾樣野食, 但都好滿足, 餐牌仲有好多野未試, 下次要再來過
估唔到在屯門都食到如此高格調的日本料理, 雖然比起隔離壽司店貴少許, 仍然物有所值
张贴
