影片
更多
2014-04-30
928 浏览
個日堂左堂，去銅鑼灣食，本來想去我好鐘意嘅burgeroom , 申利：我唔係成日去食，點知佢太太太太多人，就去左隔離嘅拉麵jo 食，吸引我嘅係個陣香蒜油味。太好聞喇！門口貼住左個米芝蓮人，睇真啲，原來無米芝蓮星推介，係食評家推介姐，但我唔覺得好好食囉⋯⋯我叫左個山拉麵，姐係有好多菜嘅，跟三塊叉燒，堆到一座山咁！嫻人先生叫左蒜油拉麵，係不定期有售㗎。仲有餃子同一隻半熟蛋。店面係開放式，好乾淨咁。水自己斟自己添，有生蒜要自己壓，同一風堂個啲一樣！我覺得好麻煩。題外話，仲有辣芽菜同雪菜可以自己加，但我無影到。我唔係好食得辣，個芽菜食左少少，我就投降了。山拉麵（$93）湯底，麻麻地，唔太濃。嫻人先生仲話淡添，個人口味唔同啦！碗拉麵太多芽菜，芽菜太多水，搞到個湯淡淡地。唔可以轉幼麵囉！我已經揀左正常淋度，我覺得有啲硬。最後食到一半，我嫌佢太硬，同嫻人先生調換食。可能因為個湯淡，食到有少少鹼水味。叉燒，山拉麵有三塊，係幾好味，肥瘦分明，但唔係特別特出囉！蒜油拉麵（$83）我覺得佢嘅幼麵比拉麵嘅粗麵好食多，無鹼水味！幼麵掛到好多湯。湯底濃，好香蒜味，個蒜油味好香，但我覺得食得多就太太太濃。當然，超
個日堂左堂，去銅鑼灣食，本來想去我好鐘意嘅burgeroom , 申利：我唔係成日去食，點知佢太太太太多人，就去左隔離嘅拉麵jo 食，吸引我嘅係個陣香蒜油味。太好聞喇！
門口貼住左個米芝蓮人，睇真啲，原來無米芝蓮星推介，係食評家推介姐，但我唔覺得好好食囉⋯⋯
我叫左個山拉麵，姐係有好多菜嘅，跟三塊叉燒，堆到一座山咁！嫻人先生叫左蒜油拉麵，係不定期有售㗎。仲有餃子同一隻半熟蛋。
店面係開放式，好乾淨咁。
水自己斟自己添，有生蒜要自己壓，同一風堂個啲一樣！我覺得好麻煩。
題外話，仲有辣芽菜同雪菜可以自己加，但我無影到。我唔係好食得辣，個芽菜食左少少，我就投降了。
山拉麵（$93）
湯底，麻麻地，唔太濃。嫻人先生仲話淡添，個人口味唔同啦！碗拉麵太多芽菜，芽菜太多水，搞到個湯淡淡地。
唔可以轉幼麵囉！我已經揀左正常淋度，我覺得有啲硬。最後食到一半，我嫌佢太硬，同嫻人先生調換食。可能因為個湯淡，食到有少少鹼水味。
叉燒，山拉麵有三塊，係幾好味，肥瘦分明，但唔係特別特出囉！
蒜油拉麵（$83）
我覺得佢嘅幼麵比拉麵嘅粗麵好食多，無鹼水味！幼麵掛到好多湯。湯底濃，好香蒜味，個蒜油味好香，但我覺得食得多就太太太濃。當然，超鍾意蒜味嘅嫻人先生覺得無野啦！
半熟蛋（$15）
同埋無乜驚喜，同埋唔知點解隻蛋好凍，我當然知食半熟蛋隻蛋唔會熱，但佢凍得好出奇，凍到唔好食
餃子（$18 /3隻）
我覺得係街買返黎煎個啲，底唔脆，18蚊真係唔抵⋯⋯
後記：食完喱間野，我同嫻大先生不停飲水，中左味精毒，嫻人先生不嬲都對味精好敏感，食到少少都不停飲水，我就無佢咁sensitive 嘅，都出事⋯係鋪頭飲左三杯水都未夠，再對飲多支750ml 水。
只可以話，咁嘅價錢，我可以去䐁王食了⋯⋯
张贴
