Burger Joys (君悅居)

营业中

休息中

呢间都系朋友带我去，试完之后一试难忘觉得好好食。我哋叫咗一个set同埋一个汉堡包。朋友叫咗个鱼柳汉堡，味道相当之唔错，个沙律酱汁同鱼柳好夹，个鱼柳又唔会淡茂茂冇味，而且都几大块。我好欣赏佢个包都整得好好食，个包有一定嘅厚度，又唔会太干，好有面包香，一啖真系食唔晒。我拣咗个牛肉汉堡，本身以为入面有芝士，点知原来佢冇。不过就算系咁都好好食，好crispy，第一次食到咁样嘅牛肉汉堡，我觉得佢平时食到嘅更加好食，大家都不妨叫黎试吓。成个set仲有一杯饮品同埋薯条，不过我哋加钱upgrade咗做番薯条。其实我觉得几好，估唔到佢哋有啤酒提供。个番薯条唔好睇佢好似好幼咁，估唔到佢入面有薯蓉，我钟意就咁食，因为可以食到佢原味。食完之后真系觉得呢间值得推荐，所有嘢都好好食。