陳儀興尚潮樓 (英皇道)

营业中

休息中

陳儀興是老字號，去過太子店覺得唔錯，約朋友食飯來此鰂魚涌分店。鵝三寶鵝肉有茴香香味，做得幾好。鵝肝與法國鵝肝有得比，甚至更嫩滑，冇咁油膩。鵝腸夠爽。如果滷水汁可以甜少少更啱我口味。鴿吞翅又叫仙鶴神針，湯清，鴿嫩滑，翅飽滿，上湯餵得淋，水準好。潮式炸雙棗蝦蟹棗配搭，炸得好，如果體積做得細啲更好，一口一粒。家鄉炒潮州麵線味道好，炒得幾好，有豆乾肉乾配合，唔油膩，清清地幾好食。福果甜芋泥香滑，非常好。環境唔錯，裝修配合，服務亦好。