炊豕店 (加路連山道) (已結業)

閒日3點左右，1位，等左大約十分鐘。秘製豬扒飯（肉燥汁）｜$58（煎蛋 +$8）幾年前食過之後就次次都係食呢一款，係我嘅最愛。因為我鍾意食撈麵，轉幼麵撈埋肉燥好好食。炸豬扒keep到咁大塊之餘，外皮金黃酥脆，雖然有少少皮肉分離，不過肉質都軟腍，都算保持到水準啦。Wow~~係太陽蛋，見到d蛋汁都流晒口水。所謂肉燥汁其實都有好多豬腩肉粒，肥瘦均勻，加埋炸蒜撈麵食真係好惹味。餐廳有口罩紙袋同酒精消毒搓手液提供。