影片
更多
2014-05-14
2763 浏览
大時大節梗係要訂枱先啦,仲要一行八人~已經嚟過幾次,就係俾佢對食物嘅心思同創意吸引,所以呢日都同朋友推薦咗嚟呢度食~是日係母親節MENU~西班牙凍湯伴帶子咯嗲先唔理係唔係西班牙嘅凍湯,的而且確係凍嘅,我會形容為清爽可口嘅五青汁,哈哈,當然唔係草青味濃果啲五青汁啦~似係有青蘋果,梨,青檸,青瓜咁,好FRESH,極度開胃!呢道菜有啲似分子料理,有好多不知名嘅食材,但大家嘅味道同質感十分配合,賣相亦十分討好呢!濃魚湯伴海蜆我估佢唔係想指個湯魚味好濃,而係指呢個係湯嘅質感係濃稠~一隻好鮮味嘅大蜆,再加上三粒唔同嘅蔬果,真係好美味而精緻~烤美國西冷扒配香濃野菌汁我敢講佢絕對不比老牌扒房的牛扒差!有兩粒新薯,仲要係唔同品種同唔同煮法,呢種心思值得一讚!唯一要改善就係野菌汁太少了,但見到裡面至少有三款唔同嘅菌類架!三文魚蟹肉雲吞及海魚柳伴大蒜椰菜花蓉海魚柳好大塊,比想像中薄,但魚皮煎得好香脆,魚肉亦煎得啱啱好,好嫩滑~三文魚蟹肉雲吞味道好豐富,份量十足~黑毛豬安配黑松露醬汁市面好難搵到好味嘅豬扒,呢個就令我印象難忘,外層煎得微焦,中間熟得嚟仲係充滿肉汁,最緊要係一上枱就要食,唔好掛住傾偈~朱古力熱飲
已經嚟過幾次,就係俾佢對食物嘅心思同創意吸引,所以呢日都同朋友推薦咗嚟呢度食~
是日係母親節MENU~
西班牙凍湯伴帶子咯嗲先唔理係唔係西班牙嘅凍湯,的而且確係凍嘅,我會形容為清爽可口嘅五青汁,哈哈,當然唔係草青味濃果啲五青汁啦~似係有青蘋果,梨,青檸,青瓜咁,好FRESH,極度開胃!呢道菜有啲似分子料理,有好多不知名嘅食材,但大家嘅味道同質感十分配合,賣相亦十分討好呢!
濃魚湯伴海蜆我估佢唔係想指個湯魚味好濃,而係指呢個係湯嘅質感係濃稠~一隻好鮮味嘅大蜆,再加上三粒唔同嘅蔬果,真係好美味而精緻~
烤美國西冷扒配香濃野菌汁我敢講佢絕對不比老牌扒房的牛扒差!有兩粒新薯,仲要係唔同品種同唔同煮法,呢種心思值得一讚!唯一要改善就係野菌汁太少了,但見到裡面至少有三款唔同嘅菌類架!
三文魚蟹肉雲吞及海魚柳伴大蒜椰菜花蓉海魚柳好大塊,比想像中薄,但魚皮煎得好香脆,魚肉亦煎得啱啱好,好嫩滑~三文魚蟹肉雲吞味道好豐富,份量十足~
黑毛豬安配黑松露醬汁市面好難搵到好味嘅豬扒,呢個就令我印象難忘,外層煎得微焦,中間熟得嚟仲係充滿肉汁,最緊要係一上枱就要食,唔好掛住傾偈~
朱古力熱飲一杯已經有濃郁朱古力嘅熱飲,再自行加上63%比利時朱古力,味感只會更上一屠樓,甜味不會搶過風頭~質感十分滑溜,再加上咁得意嘅海獅拉花,BARISTA嘅用心值得一讚!
VERONICA有啲似橙味朱古力餅嘅朱古力慕絲甜品,朱古力味濃而唔會過甜,擺盤就見到廚師嘅心思,為整頓晚餐劃上感嘆號!!
题外话/补充资料：
平日MENU可能無以上嘅菜式,但我都時不時會去幫襯,平日嘅菜式都係值得回味架~
(以上食记乃用户个人意见 , 并不代表OpenRice之观点。)
张贴
