火土燒肉

見到youtuber 介紹得好似好吸引，將camping 融入燒肉，就去朝聖。裝修非常好，好似真係入咗露營，而且有好多露營用具。感覺真係好似入咗camp咁樣。星期日晚去幫襯， 8:00去到，其實已經唔使等位可以直入。點餐，係用自助落單，方便快捷。全牛肉燒肉拼盤- 正常不過不失，$498 以份量計係少咗d，同埋食唔出係日本和牛。牛油帆立貝，個盤同燒烤爐設計成剛剛好，有心思抵讚.鹽燒昆布，燒完後有少少鹹香，有少少似食紫菜。白桃可爾必思特飲，難得唔係檸茶檸水。總括來說，主要係食裝修，至於食物質素，我覺得可以再提升。畢竟想要再翻食嘅時候唔係因為裝修，而係要啲食物好食😊