李家 (山林道)

营业中

休息中

好耐冇去過韓國，想食韓國嘢，原來尖沙咀山林道有間好正宗嘅韓國餐廳，食物質素好高！餐廳感覺好韓式，播住韓國流行曲，有韓國人店員，好有家庭式風味，好有氣氛！餐牌有好多炸雞選擇，亦有唔少韓國特色食物，啱曬想食炸嘢嘅人。而今次我哋唔想食炸嘢，就叫咗燒雞。1）燒烤雞-上枱時熱辣辣，鐵板炸炸聲。食落去肉質嫩滑，食得出雞好新鮮，有啲辣，好惹味！2）牛骨雪濃湯- 記得喺韓國食過好好食，今次就試下李家。好大煲湯，牛骨湯好清甜，牛展好大塊，湯有奶香味，飲落好舒服，又好解辣。3）Beerita Mocktail -造型好特別，西柚味，冇酒精嘅啤酒，飲落好清新，好解渴！