順。越南牛肉粉

营业中

休息中

今日早收工就約咪屋企人去中環街市搵食，呢道翻新過環境都唔錯，地下層有好多餐廳，我地今日就選左越南嘢食。首先叫左三個小食。第一款係越南炸春卷（4件），呢個非常地道，用生菜包住春卷黎食，生菜中和返春卷，口感同味道都好好，一啲都唔會油膩，親熱食係最好味。第二款係蓮藕蝦餅（4件），呢款又係炸到金黃色，賣相十分吸引，非常香口，味道岩岩好，小朋友都喜愛。第三款係順化香茅豬扒，呢個都唔會好油膩，底下啲菜吸曬啲油，而且味道好，呢款係我既最愛，值得一試。最後叫多碗順.生牛肉，牛肉丸湯粉，一如以往生牛肉都係用熱湯黎浸熟佢，牛肉非常滑溜可口，牛肉丸就好彈牙，非常享受。