Kailash Parbat

营业中

休息中

無得去旅行，緊係用食好野黎補數！先前一遊杜拜，深刻記得當地的一餐地道印度菜，見到Kaliash Parbat呢間餐廳入面的炒飯外觀一模一樣，就想黎回味一下！餐廳入面設計非常花心思，色彩層次好強，再加上柔和燈光以及好似bar一樣的木枱，俾我一種既似bar, 又似屋企的舒服感覺(weekend黎岩曬！)今次叫左芒果乳酸，炸圓脆餅，奶酪蕃茄馬薩拉同埋印度香飯，唔少得既係印度既烤餅naan!!芒果乳酸非常開胃清甜，夏天去的話我非常建議你可以同朋友夾一杯。首先黎既係炸圓脆餅，呢一味我係杜拜既時候無食過，佢既特色係有一個醬同一個薄荷水倒落個杯狀的餅，然後連醬汁一啖放曬落口，個味道酸酸甜甜，而且因為可以自己控制份量令你想一試再試唔同口味。馬薩拉係一種香草調校出黎既醬汁，配上特色印度芝士(好似豆腐haha), 都未夠。。。最重要係配埋烤餅一齊食！！果種惹味豐富加上有咬口既烤餅，無論味道還是口感都有幾種層次，非常推介！！最後就係特登黎回味既印度香飯，千祈唔好因為見佢細細個就叫得多，食落你就知道係好飽好滯！傳統風味，未食過的建議可以3 人share一個。