影片
更多
2020-09-09
363 浏览
想去泰國？不如食住個泰式船麵頂住先啦！今次去嘅係泰國過江龍 —— 船皇 Tiew Rua Tor Charm。老闆曾專程到泰國拜師學藝，湯底正宗，而且仲係每日用牛骨、豬血、枸杞、刺芹、斑蘭葉等配料新鮮熬制。牛腩、牛肉片、牛肉丸米粉 （大） HKD52湯底果然好濃郁，牛味濃，揀米粉吸晒啲湯好正。配料方面牛腩細細粒，但都好軟腍，牛肉丸都唔錯，但👩🏻就覺得牛肉片似係普通肥牛，無咩特別，但都對得起依個價錢啦！另外我哋都好鍾意個炸豬皮，吸晒啲湯仲正。雖然大碗睇落都唔係好大碗，但米粉份量都幾多，👩🏻都食到啱啱好飽🤰🏻，大食嘅男仔可能要叫多碗細碗啦 (HKD12)🤪.船皇湯麵 HKD58 (轉和牛 + HKD1)無睇錯呀你，將牛肉片轉做和牛都係加左1蚊咋！船麵嘅配料種類比較多，滿足晒選擇困難症嘅人啦！配料牛腩、牛肉片、牛肉丸、雞絲、雞翼，豬肉、豬肉丸、豬膶，但數量就比較少，每種配料（除和牛片）都只有一件，而且當日豬膶賣晒，店員就會將豬膶換作豬肉丸，所以想試豬膶嘅話要早啲去啦！湯底依然係濃郁，和牛片半生熟，嫩滑！粉麵就揀咗河粉，河粉並唔係我哋食開嘅寬河粉或幼河粉，係粗身啲嘅泰國河粉，有啲似陳村粉。.串
牛腩、牛肉片、牛肉丸米粉 （大） HKD52
湯底果然好濃郁，牛味濃，揀米粉吸晒啲湯好正。配料方面牛腩細細粒，但都好軟腍，牛肉丸都唔錯，但👩🏻就覺得牛肉片似係普通肥牛，無咩特別，但都對得起依個價錢啦！另外我哋都好鍾意個炸豬皮，吸晒啲湯仲正。雖然大碗睇落都唔係好大碗，但米粉份量都幾多，👩🏻都食到啱啱好飽🤰🏻，大食嘅男仔可能要叫多碗細碗啦 (HKD12)🤪
.
船皇湯麵 HKD58 (轉和牛 + HKD1)
無睇錯呀你，將牛肉片轉做和牛都係加左1蚊咋！船麵嘅配料種類比較多，滿足晒選擇困難症嘅人啦！配料牛腩、牛肉片、牛肉丸、雞絲、雞翼，豬肉、豬肉丸、豬膶，但數量就比較少，每種配料（除和牛片）都只有一件，而且當日豬膶賣晒，店員就會將豬膶換作豬肉丸，所以想試豬膶嘅話要早啲去啦！湯底依然係濃郁，和牛片半生熟，嫩滑！粉麵就揀咗河粉，河粉並唔係我哋食開嘅寬河粉或幼河粉，係粗身啲嘅泰國河粉，有啲似陳村粉。
.
串燒豬頸肉串 HKD42/3串
串燒魷魚鬚串 HKD12/1串
小食方面我哋揀咗串燒豬頸肉串配沙嗲醬，食到炭燒嘅味道，好香。一串大約有兩至三塊。串燒魷魚鬚串就配泰式燒烤醬，好有街頭風味。
.
泰式炸蝦卷 HKD22/3個
炸蝦卷炸得金黃香脆，出面用麵條包住，口感幾得意😜。
.
泰仔奶茶 跟餐+$18
龍眼冰 跟餐+$15
食泰國嘢點可以唔叫返杯泰式奶茶呢？依度嘅泰式奶茶唔使落冰，因為佢哋用特別嘅泰式器皿裝住，飲到最後都係凍嘅，唔驚會有冰沖淡晒啲味。龍眼冰一入口偏甜，但依個就有落冰嘅，等啲冰溶咗少少就啱啱好啦！
.
雖然一開始以為個麵好似好細碗一定唔夠食，但其實👨🏽👩🏻食完都覺得啱啱好飽㗎，如果唔夠食仲可以叫多幾個唔同嘅細碗船麵試吓添😋。
Follow us on Instagram - foodastics
张贴
