影片
更多
2023-01-24
60 浏览
等咗三年，台灣仲未開返關，相信大家都好掛住以前時不時快閃台灣旅行嘅日子🙁 不過唔緊要！今日為大家介紹呢間由台灣人開嘅台式餐廳，呢到正宗嘅台灣味道應該可以幫大家暫時止一止癮🤨➤ 麻油雞湯套餐 ($90)冬天最啱飲一碗熱辣辣嘅湯嚟暖一暖胃☺️ 呢到嘅麻油雞湯湯頭濃厚香醇，飲落非常鮮甜，而且一啲都唔油膩，雞肉口感雖然唔算嫩滑但幾彈牙。呢個set仲包一碗魚鬆滷肉飯同埋油菜！➤ 哈豆鮮果凱薩沙律($78)好豐富嘅沙律～ 配料有生菜、提子、橙、蘋果、鴨梨、蕃茄，最驚喜嘅係竟然仲有鹽酥雞😆 份量十足，食材新鮮，食落好開胃滿足。➤ 開心果裸聖誕樹 ($98)期間限定甜品，作為開心果愛好者嘅我點忍到手唔order! 上枱嘅時候忍唔住嘩咗一聲，刨冰相當巨型，賣相真係成棵mini christmas tree咁🎄冰底上擠滿意大利特濃開心果奶蓋，配上紅豆、布丁、雲尼拿雪糕同埋花生粉，口感相當豐富，多重享受🥳 刨冰冰感頗重，唔算好綿滑幼細，不過淋上低糖仙草糖水都幾夾😛 另外值得一讚嘅係開心果奶蓋真係相當濃郁，開心果控食得好滿足(｡ì _ í｡)➤ 哈豆鮮果茶 ($52)好大壺！用咗百香果綠茶作為茶底，水果同茶嘅比
等咗三年，台灣仲未開返關，相信大家都好掛住以前時不時快閃台灣旅行嘅日子🙁 不過唔緊要！今日為大家介紹呢間由台灣人開嘅台式餐廳，呢到正宗嘅台灣味道應該可以幫大家暫時止一止癮🤨
➤ 麻油雞湯套餐 ($90)
冬天最啱飲一碗熱辣辣嘅湯嚟暖一暖胃☺️ 呢到嘅麻油雞湯湯頭濃厚香醇，飲落非常鮮甜，而且一啲都唔油膩，雞肉口感雖然唔算嫩滑但幾彈牙。呢個set仲包一碗魚鬆滷肉飯同埋油菜！
➤ 哈豆鮮果凱薩沙律($78)
好豐富嘅沙律～ 配料有生菜、提子、橙、蘋果、鴨梨、蕃茄，最驚喜嘅係竟然仲有鹽酥雞😆 份量十足，食材新鮮，食落好開胃滿足。
➤ 開心果裸聖誕樹 ($98)
期間限定甜品，作為開心果愛好者嘅我點忍到手唔order! 上枱嘅時候忍唔住嘩咗一聲，刨冰相當巨型，賣相真係成棵mini christmas tree咁🎄冰底上擠滿意大利特濃開心果奶蓋，配上紅豆、布丁、雲尼拿雪糕同埋花生粉，口感相當豐富，多重享受🥳 刨冰冰感頗重，唔算好綿滑幼細，不過淋上低糖仙草糖水都幾夾😛 另外值得一讚嘅係開心果奶蓋真係相當濃郁，開心果控食得好滿足(｡ì _ í｡)
➤ 哈豆鮮果茶 ($52)
好大壺！用咗百香果綠茶作為茶底，水果同茶嘅比例恰到好處，飲落有水果嘅清甜之餘，亦都飲到綠茶嘅清香，整體非常清新。
➤ 珍珠豆漿紅茶 ($36)
好特別嘅配搭，店家標榜全港得佢地呢到先飲到😛 冇奶精嘅珍奶相當健康，飲落多左一份豆嘅清香。
张贴
