Paul Lafayet (已搬遷) 新店位置

PAUL LAFAYET 我見就見得多啦，食就真係第一次食，平時經過見到佢個POSTER既焦糖燉蛋我就覺得好吸引!今次我終於食到，$45蚊一個就有點兒遍貴，同埋加左20蚊買左個咖啡，咖啡我一直都唔飲，所以我唔識評佢好唔好飲，但面頭既拉花幾靚囉就係咁。講番個燉蛋先，我一直覺得燉蛋係熱既，今次真係發現新大陸，原來係可以係凍既，我凍定熱都冇所謂，但收左我45蚊點都要俾番D似樣D既貨色我先得既！果然………佢成功左，真係幾好食喎，面頭既焦糖好脆，雖然有D甜，但加埋下面既蛋就真係岩岩好，仲有入面好似係雲喱那籽既野，味道唔會太單一，總之真係好好食啦，我下次一定會ENCORE。完。