影片
更多
2016-04-01
456 浏览
今日晏晝同朋友黎到佐敦，佢想食日本野，於是同佢黎左七福神和食亭。雖然係晏晝時段，但都有人排隊，不過好彩我地好快就被安排入座。餐廳係樓上舖，雖然地方唔算大但坐落舒服，環境唔錯。 餐牌上食物種類繁多，壽司、刺身、串燒、卷物、石鍋、飯類、鐵板、烏冬、甜品等應有盡有，總有一款岩胃口！我仲見到有好多款唔同lunch set, 仲有學生餐set, 連湯連小食，價錢親民又多款式。 海膽刺身 $118海膽新鮮，味道算甜，亦冇腥臭味，細細粒有一板分量黎計價錢算唔貴。個海膽刺身仲可以兩食添，可以夾紫菜食，又可以夾壽司飯食。 生蠔 $76/2隻我鐘意食生蠔，見到呢度有得食當然要試試。兩隻法國coffin bay蠔，法國蠔唔係脹卜卜個種，而係帶鹹鹹海水味，而且質感滑溜。 蒲燒鰻魚飯定食 $53 (連麵豉湯，小食一款及甜品)鰻魚煎得軟滑入味，$53有成半條鰻魚，最正係個飯淋上左好多甜甜既燒汁，好容易就送晒啲飯。 玻璃蝦壽司(定食小食)以小食黎計，附送兩件唔係一般送既三文魚壽司，壽司飯又握得實唔過酸，合格有餘！ 北海道溫泉蛋角切魚生丼 $65魚生份量好多，有三文魚同呑拿魚粒佈滿飯面，重點係
餐牌上食物種類繁多，壽司、刺身、串燒、卷物、石鍋、飯類、鐵板、烏冬、甜品等應有盡有，總有一款岩胃口！我仲見到有好多款唔同lunch set, 仲有學生餐set, 連湯連小食，價錢親民又多款式。
海膽刺身 $118
海膽新鮮，味道算甜，亦冇腥臭味，細細粒有一板分量黎計價錢算唔貴。個海膽刺身仲可以兩食添，可以夾紫菜食，又可以夾壽司飯食。
生蠔 $76/2隻
我鐘意食生蠔，見到呢度有得食當然要試試。兩隻法國coffin bay蠔，法國蠔唔係脹卜卜個種，而係帶鹹鹹海水味，而且質感滑溜。
蒲燒鰻魚飯定食 $53 (連麵豉湯，小食一款及甜品)
鰻魚煎得軟滑入味，$53有成半條鰻魚，最正係個飯淋上左好多甜甜既燒汁，好容易就送晒啲飯。
玻璃蝦壽司(定食小食)
以小食黎計，附送兩件唔係一般送既三文魚壽司，壽司飯又握得實唔過酸，合格有餘！
北海道溫泉蛋角切魚生丼 $65
魚生份量好多，有三文魚同呑拿魚粒佈滿飯面，重點係魚生粒都切得好大粒。戳破溫泉蛋，蛋漿即時流晒係飯面同魚生面，成個飯變得更香滑。
芝士焗天火蠔 $58/3隻,$20/1隻
呢幾隻焗蠔上碟時熱辣辣，芝士多到佈滿蠔身，蠔下面仲有煙肉洋蔥墊底，如果芝士濃啲就更正！但$58/3隻黎講真係好抵食。
忌廉蟹肉薯餅 $42
朋友對Korokke(可樂餅)情有獨鍾，於是點了呢個忌廉蟹肉薯餅。薯餅即炸，亦炸得啱啱好，外層好鬆脆，而內裡蟹忌廉好滑溜亦都有蟹既香味，成舊食落口，蟹肉忌廉一涌而出，鐘意食炸物就啱晒。
鐵板牛柳粒粒燒 $55
見到網上好多人介紹呢個，結果真係冇令我失望。牛柳大大粒，肉質煮得夠軟身，亦保持到啖啖肉汁，配埋燒汁真係好惹味，真係食到停唔到口。中間薯蓉份量頗多，點埋牛肉燒汁一齊食，食完好飽肚又滿足。
菠蘿雪芭 $48、蘋果雪芭 $42
用原隻菠蘿同蘋果盛載雪芭上枱，好有噱頭，賣相一流。揭開菠蘿蓋蘋果蓋，入面雪芭酸酸甜甜，味道清新，唔會有雪味，好有醍神解滯作用。
呢度食物價錢唔貴但質素有保證，而且生熟食物款式都齊，啱晒我呢啲鐘意食日本野又唔想荷包大出血嘅為食貓。
张贴
