影片
更多
2018-08-17
324 浏览
近年賣叻沙的店開得成行成市，實在係一眾叻沙控（包括我）的福音。位置介乎灣仔同金鐘之間的「Rempah Noodles」，單睇黑白色的簡約時尚裝修，似cafe多過叻沙店，心裡面都有點疑惑係咪不倫不類半桶水之輩。坐低睇睇menu，原來佢做得幾專，選擇得三個：叻沙、蝦麵同乾叻沙（各$98），係香港做飲食業咁難的年代，肯唔為香港人的多樣化要求就範，我幾欣賞，同時都證明老闆對自己出品好有信心。呢度的叻沙係標榜娘惹風味，我唔知娘惹同新加坡式有咩分別，驟眼望好似差不多。叻沙湯底同樣有好香濃椰汁味，味道濃厚帶微辣，但飲完又唔會覺口渴。麵條用上粗米粉，其實似米線，係合我心水的麵，同濃味湯底好襯，好過用粉絲、蛋麵。配料都算多，有豆卜、蝦、魚片、雞絲、雞蛋，我最喜歡當然係豆卜，索晒湯汁。蝦麵當然係用蝦湯，可能唔慣，總係覺得有點腥，但都係鮮同清嘅。麵條可選蛋麵、米粉或者混合，我選米粉，因為怕蛋麵有鹼水味，米粉都爽同滑，配同樣清清地嘅湯都幾夾。面頭有燉豬肉、蝦、炸豬油、炸洋蔥，豬肉連肥膏同皮，煮得幾腍，但最搶味同最大功臣反而係豬油同炸洋蔥，又脆又惹味。你問我係咪好值得專程試，我又覺得未至於，但佢的叻沙水準在合格
位置介乎灣仔同金鐘之間的「Rempah Noodles」，單睇黑白色的簡約時尚裝修，似cafe多過叻沙店，心裡面都有點疑惑係咪不倫不類半桶水之輩。
坐低睇睇menu，原來佢做得幾專，選擇得三個：叻沙、蝦麵同乾叻沙（各$98），係香港做飲食業咁難的年代，肯唔為香港人的多樣化要求就範，我幾欣賞，同時都證明老闆對自己出品好有信心。
呢度的叻沙係標榜娘惹風味，我唔知娘惹同新加坡式有咩分別，驟眼望好似差不多。叻沙湯底同樣有好香濃椰汁味，味道濃厚帶微辣，但飲完又唔會覺口渴。麵條用上粗米粉，其實似米線，係合我心水的麵，同濃味湯底好襯，好過用粉絲、蛋麵。配料都算多，有豆卜、蝦、魚片、雞絲、雞蛋，我最喜歡當然係豆卜，索晒湯汁。
蝦麵當然係用蝦湯，可能唔慣，總係覺得有點腥，但都係鮮同清嘅。麵條可選蛋麵、米粉或者混合，我選米粉，因為怕蛋麵有鹼水味，米粉都爽同滑，配同樣清清地嘅湯都幾夾。面頭有燉豬肉、蝦、炸豬油、炸洋蔥，豬肉連肥膏同皮，煮得幾腍，但最搶味同最大功臣反而係豬油同炸洋蔥，又脆又惹味。
你問我係咪好值得專程試，我又覺得未至於，但佢的叻沙水準在合格以上，經過的話不妨試試。
张贴
