空港居酒屋 (裝修中)

機場返工ge朋友一定心知食lunch選擇唔多但又偏貴的悲哀。有時覺得食得開心好緊要，畢竟工作辛苦，工作時間仲長過留係屋企，再加來回機場同屋企，閒閒地3個鐘唔出奇。所以有乜野大時大節，迎新farewell大家都會食豪D！好似今次係一個比我高級的同事請我食單對單farewell lunch,就嚟咗富豪機場的日菜。其實嚟過食5、6次，standard 嘅lunch set options 都15個，鐵板牛同銀雪魚西京燒係我嘅熱食推介！而因為天氣悶熱，所以今日就選食雜錦魚生飯定食。你一坐低,staff會serve沙律同明太子粒前菜，之後的set入面除左螺肉小食丶醃漬物、麵豉湯、蒸蛋同咁靚ge魚生飯，飯後仲有雪糕做甜點！佢唔單止賣相唔錯，刺生飯入面有三文魚、油金魚、吞拿魚丶八爪魚丶帶子丶三文魚子丶黃金蟹籽墨魚丶蟹柳丶玉子等，新鮮多款，而同事因為唔食三文魚，同staff反映後他們都幫她轉用其他刺身代替，服務細心周到！其實單睇menu二百幾蚊1 set都真係唔平，但我有好多同事有regal的membership card,好似折實都係百零蚊，所以有特別function我哋都過嚟lunch！