影片
更多
2021-12-20
106 浏览
2021.12.18呢間🇰🇷韓式餐廳嘅氣氛有氣派之餘又有啲古典嘅味道，空間感好充足，會覺得有自己嘅空間，而且有專人可以幫你燒烤🔥，仲有隻識郁嘅機械人🤖，可以為客人獻唱生日歌🎶我哋叫咗個2人份嘅steak omakase套餐，包括：～韓式前菜，包括菠菜、泡菜、芽菜、白蘿蔔～醃漬沙律🥗，入面有牛油果同晶瑩通透嘅鮮蝦🦐～吞拿魚他他，香軟嘅吞拿魚🐟，煙薰過後，肉身仍然呈粉紅色，加上好creamy嘅醬汁，非常可口😋～生菜包，仲有車厘茄、青瓜條、紅蘿蔔條、蒜片🥬🍅🥒🥕🧄～自家包飯醬～熟成醬油牛肋肉、角切和牛、和牛羽下肉、韓國五花肉，師傅用豬脂肪喺網面搽上油份，再逐一處理咁燒。🐮牛類就咁食都已經好滋味，油脂分佈好平均，香而不膩，個人覺得熟成醬油牛肋肉帶點甜味就最正；🐷五花肉就配上自家包飯醬、蒜片，再用生菜包住食，脂肪同肉嘅比例一樣好好。～大醬湯配飯，湯入面嘅牛肋肉片好鬆軟，幾乎入口即溶，另外仲有蜆肉、豆腐、翠肉瓜、蘿蔔、洋蔥等傳統有嘅材料，喺燒肉後食真係冇得頂，好暖胃，然後又可以再食少少嘢～餐後小碟，包括魚仔、蟹仔、蓮藕、水泡菜等————————————————————————然後額外叫咗韓國鰻魚🐍
呢間🇰🇷韓式餐廳嘅氣氛有氣派之餘又有啲古典嘅味道，空間感好充足，會覺得有自己嘅空間，而且有專人可以幫你燒烤🔥，仲有隻識郁嘅機械人🤖，可以為客人獻唱生日歌🎶
我哋叫咗個2人份嘅steak omakase套餐，包括：
～韓式前菜，包括菠菜、泡菜、芽菜、白蘿蔔
～醃漬沙律🥗，入面有牛油果同晶瑩通透嘅鮮蝦🦐
～吞拿魚他他，香軟嘅吞拿魚🐟，煙薰過後，肉身仍然呈粉紅色，加上好creamy嘅醬汁，非常可口😋
～生菜包，仲有車厘茄、青瓜條、紅蘿蔔條、蒜片🥬🍅🥒🥕🧄
～自家包飯醬
～熟成醬油牛肋肉、角切和牛、和牛羽下肉、韓國五花肉，師傅用豬脂肪喺網面搽上油份，再逐一處理咁燒。
🐮牛類就咁食都已經好滋味，油脂分佈好平均，香而不膩，個人覺得熟成醬油牛肋肉帶點甜味就最正；🐷五花肉就配上自家包飯醬、蒜片，再用生菜包住食，脂肪同肉嘅比例一樣好好。
～大醬湯配飯，湯入面嘅牛肋肉片好鬆軟，幾乎入口即溶，另外仲有蜆肉、豆腐、翠肉瓜、蘿蔔、洋蔥等傳統有嘅材料，喺燒肉後食真係冇得頂，好暖胃，然後又可以再食少少嘢
～餐後小碟，包括魚仔、蟹仔、蓮藕、水泡菜等
————————————————————————
然後額外叫咗韓國鰻魚🐍，店長好好幫我哋燒肉後換網，再喺網面及魚身搽上檸檬汁🍋以防痴底。
睇住店長好有技巧咁轉換唔同表面燒，因為燒一陣魚身就好快捲曲，真係好治療😌仲用燒烤夾淋汁，另外上碟勁靚，醬汁唔會太濃蓋過咗饅魚嘅原味，皮略為煙韌，肉身紮實。
————————————————————————
飲品叫咗2杯cocktail，有Sweet dream同Day break
~ Sweet dream有桃味清酒、雪碧、綠茶、蜜糖，感覺係有啲甜味，較為易入口，淡淡哋嘅啤酒
~ Day break有白酒、梳打水、雪碧、麘香草🌿，望落似淡色嘅紅酒🍷杯邊有啲小結昌，可以比咀接觸杯邊咁飲，平衡下味道
————————————————————————
甜品叫咗焦糖海鹽雪糕🍦同特濃芝士蛋糕🍰
～啱啱開始溶困種狀態食就最好，最香滑，幾香奶味，焦糖味適中，海鹽落咗好少提味用。
～芝士蛋糕幾輕盈，香濃得嚟，唔會好似出面有啲好實好甜咁。
————————————————————————
呢間餐廳無論環境、氣氛、食物質素同服務，每人埋單都係800蚊到，絕對值回票價👍🏻
张贴
