舍利鮨 (已結業)

作為大西北人，元朗多地道好野食就係人都知，但今次發現左呢間日本野，食omakase，質素水準極之高，可以比美旺區嘅高級日本餐廳，下次想食好食日本菜係附近就食到啦！食日本野必定要講反佢地嘅壽司同刺身，餐廳用料之好絕對係食得出，唔會花考，用最新鮮嘅食材，將美味帶到比你，毛蟹同蟹膏鮮甜美味，肉質緊致。特別講下個份七日熟成昆布漬 濱鯛，用漬嘅方式將鯛魚鮮味充分釋放，食完之後成個口都係魚香。除此之外啦餐廳嘅環境都非常好，好有日本氣氛，坐喺吧枱度見到師傅逐樣逐樣咁準備食材，成個感覺非常之好。