影片
更多
2023-06-03
71 浏览
通常情侶要食浪漫晚餐都會揀西餐👩❤️💋👨，宜家有多一個選擇啦，灣仔呢間MAEK JEOK貊炙餐廳將韓式燒烤融合西式，打造成首間韓式扒房🐮。 餐廳燈光昏暗，環境浪漫優美💕。好似食高級西餐咁，一坐低，職員就會問客人飲sparkling water or distilled water。 平時食韓燒多數都係食牛、豬、雞或者海鮮，真係甚少試鴨喎🦆，餐廳最近推出熟成法國鴨套餐，即管試下啦，每位$680🤑。 套餐包括熟成20天法國鴨胸、法國鴨腿、鴨心、鴨腎，都唔係全部鴨嘅，亦都有一份熟成牛小排同埋泡菜鴨肉飯。 職員先送上前菜同埋醬油蝦🦐，隻蝦好新鮮鮮甜，而且好好膏。 之後職員送上燒肉，賣相好靚呀，先影相打個卡先。呢度嘅職員都會幫手燒，保證可以品嚐到最好嘅燒肉。職員會先用牛脂開爐，將油香爆香成個爐。 餐廳主打自家乾式熟成肉，呢款牛小排熟成45日風乾，過程中會令牛肉自然軟化，比普通牛肉肉質更嫩滑，味道更濃郁。 之後開始燒鴨嘅時候，職員會改用鴨油搽勻成個爐。 熟成20天法國鴨胸有好濃烈嘅煙燻味，口感豐富。餐廳預備咗好多唔同嘅醬料同配料用嚟配合鴨肉一齊食，例如：柚子辣醬、芝麻鹽，芝麻葉，令鴨肉味道更加
通常情侶要食浪漫晚餐都會揀西餐👩❤️💋👨，宜家有多一個選擇啦，灣仔呢間MAEK JEOK貊炙餐廳將韓式燒烤融合西式，打造成首間韓式扒房🐮。
餐廳燈光昏暗，環境浪漫優美💕。好似食高級西餐咁，一坐低，職員就會問客人飲sparkling water or distilled water。
平時食韓燒多數都係食牛、豬、雞或者海鮮，真係甚少試鴨喎🦆，餐廳最近推出熟成法國鴨套餐，即管試下啦，每位$680🤑。
套餐包括熟成20天法國鴨胸、法國鴨腿、鴨心、鴨腎，都唔係全部鴨嘅，亦都有一份熟成牛小排同埋泡菜鴨肉飯。
職員先送上前菜同埋醬油蝦🦐，隻蝦好新鮮鮮甜，而且好好膏。
之後職員送上燒肉，賣相好靚呀，先影相打個卡先。呢度嘅職員都會幫手燒，保證可以品嚐到最好嘅燒肉。職員會先用牛脂開爐，將油香爆香成個爐。
餐廳主打自家乾式熟成肉，呢款牛小排熟成45日風乾，過程中會令牛肉自然軟化，比普通牛肉肉質更嫩滑，味道更濃郁。
之後開始燒鴨嘅時候，職員會改用鴨油搽勻成個爐。
熟成20天法國鴨胸有好濃烈嘅煙燻味，口感豐富。餐廳預備咗好多唔同嘅醬料同配料用嚟配合鴨肉一齊食，例如：柚子辣醬、芝麻鹽，芝麻葉，令鴨肉味道更加提升。
法國鴨腿本身個皮已經整熟咗，所以只係微微再燒下，個皮就已經好香脆，肉質甘香。
第一次食鴨心，估唔到個口感係咁，食落好嫩滑。
鴨腎爽口咀嚼勁，食落好有口感。
泡菜鴨肉飯：以鐵板上菜，飯粒又熱又香，鴨肉入味軟嫩，鴨油混和喺飯粒之中，份外香噴噴。 加埋泡菜嘅香辣，令人胃口大增！
提子梳打＆荔枝梳打🍹：食完咁多燒肉，飲番杯梳打，相當透心涼。
蜂蜜雪糕：雪糕軟滑，配合一格格嘅蜂蜜，味道甜甜哋。
意式經典Tiramisu🍰：估唔到個份量都幾大，2個人食一個都已經好足夠。
张贴
