影片
更多
2024-03-24
47 浏览
呢間位於東薈城韓國餐廳「Banchan and Cook」見佢網上都好多好評, 今日去行outlet經過順便食埋飯啦; 餐廳有兩邊, 餐廳用灰, 粉色同木系做主要, 正中央位置有花花佈置, 滿足少女心, 鍾意打卡既就岩晒。一坐低店員就奉上前菜, 係醃蘿蔔同青瓜, 酸酸甜甜, 非常開胃。睇睇餐牌有個好抵食嘅套餐 - $560, 可以係主食4選2, 小食選1, 甜品選1, 再加飲品兩杯, 呢個套餐真心勁豐富。甘筍汁帶子鮮蝦蛋包飯見到呢一個係新出嘅蛋包飯, 成個蛋包飯賣相非常美觀, 蛋煎成金黃色, 火候控制得啱啱好, 蛋包飯上菜之後店員會幫手切開, 蛋漿即刻流晒出嚟, 好吸引, 好療癒。呢個味同之前我哋食開嘅咖喱蛋包飯唔一樣, 佢呢個汁係每日用海鮮同甘筍新鮮熬製, 非常鮮甜惹味, 配上滑捋捋嘅炒蛋同埋下面超夠鑊氣嘅炒飯真係非常之夾！上面仲有好多鮮蝦同埋帶子, 真係好足料。巴馬火腿卡邦尼年糕巴馬火腿夠曬咸香, 整碟卡邦尼好Creamy, 充滿芝士味, 加埋溶岩咁款既流心蛋汁, 把煙韌年糕蘸上蛋汁, 香滑順口得嚟口感煙韌; 卡邦尼醬偏濃, 加埋火箭菜中和油膩感, 呢個真係韓式年糕嘅新食法呀!炸雞
一坐低店員就奉上前菜, 係醃蘿蔔同青瓜, 酸酸甜甜, 非常開胃。睇睇餐牌有個好抵食嘅套餐 - $560, 可以係主食4選2, 小食選1, 甜品選1, 再加飲品兩杯, 呢個套餐真心勁豐富。
甘筍汁帶子鮮蝦蛋包飯
見到呢一個係新出嘅蛋包飯, 成個蛋包飯賣相非常美觀, 蛋煎成金黃色, 火候控制得啱啱好, 蛋包飯上菜之後店員會幫手切開, 蛋漿即刻流晒出嚟, 好吸引, 好療癒。
呢個味同之前我哋食開嘅咖喱蛋包飯唔一樣, 佢呢個汁係每日用海鮮同甘筍新鮮熬製, 非常鮮甜惹味, 配上滑捋捋嘅炒蛋同埋下面超夠鑊氣嘅炒飯真係非常之夾！上面仲有好多鮮蝦同埋帶子, 真係好足料。
巴馬火腿卡邦尼年糕
巴馬火腿夠曬咸香, 整碟卡邦尼好Creamy, 充滿芝士味, 加埋溶岩咁款既流心蛋汁, 把煙韌年糕蘸上蛋汁, 香滑順口得嚟口感煙韌; 卡邦尼醬偏濃, 加埋火箭菜中和油膩感, 呢個真係韓式年糕嘅新食法呀!
炸雞拼盤
炸雞可以揀三款味, 三心兩意下, 我地揀咗甜辣, 洋蔥, 原味; 三款都各具特色; 每款味道嘅炸雞上都有兩件年糕, 等你食到你所叫嘅汁嘅味。甜辣冇得輸, 甜甜辣辣, 傳統嘅味道呀! 新出嘅洋蔥汁都唔錯, 甜甜有啲洋蔥香味, 一啲都唔膩; 炸雞外皮好香脆，裏面肉質超嫩滑。一間仲有一碟酸甜嘅沙律醬, 但我地覺得全部都好覺味了。
焦糖蘋果紅豆沙冰
係新推出嘅特飲, 焦糖味非常濃厚, 入邊有一粒粒嘅紅豆, 增強口感, 面頭仲加咗cream, 有啲似紅豆沙, 從來未試過將蘋果同埋紅豆夾埋, 呢一個真係非常值得推介！
士多啤梨桑子梳打
賣相非常美觀, 顏色好靚嘅漸變色, 底係士多啤梨漿, 加埋桑子嘅藍色, 再加梳打水, 成杯唔會好甜, 而且非常解渴。
紅蘿蔔園Oreo慕絲蛋糕
呢個蛋糕真係非常之有創意, 慕絲蛋糕用小盆栽上, 表面撒滿oreo餅碎, 面仲有三個紅蘿蔔, 面係軟滑嘅Oreo 慕絲, 內裡有雲呢拿和梅果啫喱, 層次豐富, 真係花咗好多心機呀!
张贴
