本命鐵板燒

营业中

休息中

節日前夕，當然要搵餐豐富既慶祝下。入座既時候已經全院滿座，座位有限，想食鐵板燒真係最好預約。全部座位都係師傅係你面前製作鐵板燒。套餐內容豐富，龍蝦，鮑魚，銀鱈魚，帆立貝，鵝肝，和牛，陣容鼎盛。澳洲龍蝦即場拆肉，龍蝦勁爽口，亦唔會浪費龍蝦膏，做埋醬汁，味道更香濃。之後仲會用龍蝦頭的部分做湯，提升龍蝦的體驗。銀鱈魚配野菌汁將魚皮魚肉分離，然後插在魚肉上，加上野菌汁點綴，賣相好睇。銀鱈魚肉金黃，魚皮香脆，以野菌汁帶出鮮味。南非鮑魚會配乾瑤柱蟹汁，同平時鐵板燒食到既鮑魚好唔同。鮑魚爽口彈牙，乾瑤柱蟹汁雖然來得溫和，卻又提升鮑魚的味道。北海道帆立貝帆立貝金黃色，入口一咬，香濃的味道出晒嚟。配番西洋菜忌廉汁，帶出creamy感覺，都幾夾。匈牙利鵝肝鵝肝肥美，意大利黑醋係一個唔錯既選擇，可以減膩。但焦糖蘋果絕對有驚喜，好食又可以解膩。和牛 牛舌心牛肉部分會有和牛同牛舌心，前者口感豐富，後者爽嫩。可加蒜片芥末，或餐廳會提供柚子鹽，柚子醋和蕃茄酸汁。食到尾仲有炒菜炒飯，焦糖多士同朱古力雪糕，非常滿足。