影片
更多
2023-03-26
35 浏览
呢間居酒屋嘅和風裝修🎎，主打木系嘅風格，好靚好有feel！店舖裏面用咗好多日式元素嘅海報作為裝飾，仲有類似榻榻米嘅日式卡位，坐得舒服而且好有私人空間！嘢食方面都好多選擇，有好多唔同嘅一品料理、串燒、炸、壽司、刺身同小食🍢，如果想食啲暖笠笠飽肚啲嘅，仲有鍋物可以揀，一定滿足到你嘅胃口！佢有一個特選餐牌，裏面啲日式串燒同刺身都好抵食，最平$20有一串啦，仲可以叫杯清酒飲吓，而家仲做緊買一送一優惠！呢度嘅環境同食物真係啱晒同朋友過嚟慢慢坐，摸吓酒杯底！🍶------------------------------🐟◖唐揚小豆池魚◗ $58口感鬆脆香口又唔油膩，鮮味十足，拎嚟佐酒一流！🐠◖燒油甘魚鮫◗ $128日式串燒頭幾位，油甘魚鮫一定走唔甩！外皮燒得香脆，仲要好多肉，真係啖啖肉，鮮味十足，魚油好豐富甘香，推薦！🦑◖燒魷魚一夜干◗ $68用咗一夜干魷魚嚟燒，魚味更香濃，肉質唔會太乾身，仲保留到少少水份，口感都頗彈牙，佢獨有嘅鹹香味好出！🍢◖柚子鹽燒白鱔◗ $58燒白鱔油脂豐富，外皮香脆，肉質都好爽脆，加入咗少少柚子鹽調味，中和返啲油膩感，味道更加有層次！🐓◖大蔥雞柳◗ $28雞柳唔
佢有一個特選餐牌，裏面啲日式串燒同刺身都好抵食，最平$20有一串啦，仲可以叫杯清酒飲吓，而家仲做緊買一送一優惠！呢度嘅環境同食物真係啱晒同朋友過嚟慢慢坐，摸吓酒杯底！🍶
------------------------------
🐟◖唐揚小豆池魚◗ $58
口感鬆脆香口又唔油膩，鮮味十足，拎嚟佐酒一流！
🐠◖燒油甘魚鮫◗ $128
日式串燒頭幾位，油甘魚鮫一定走唔甩！外皮燒得香脆，仲要好多肉，真係啖啖肉，鮮味十足，魚油好豐富甘香，推薦！
🦑◖燒魷魚一夜干◗ $68
用咗一夜干魷魚嚟燒，魚味更香濃，肉質唔會太乾身，仲保留到少少水份，口感都頗彈牙，佢獨有嘅鹹香味好出！
🍢◖柚子鹽燒白鱔◗ $58
燒白鱔油脂豐富，外皮香脆，肉質都好爽脆，加入咗少少柚子鹽調味，中和返啲油膩感，味道更加有層次！
🐓◖大蔥雞柳◗ $28
雞柳唔會乾柴，同啲燒過嘅大葱一齊食，好香～
🐖◖荔枝豚肉卷◗ $28
大推呢一款日式串燒，豚肉片包住多汁清甜嘅荔枝嚟燒，荔枝酸酸甜甜啱啱好中和返豚肉嘅油花，咬落去多汁爽脆，口感同味道都好有層次～
🐖◖網油黑毛豬肝串串燒◗ $28
呢個係新菜式，店員大推即管試吓佢～黑毛豬肝味道濃郁，而且油脂分布都均勻，燒過後外脆內軟，口感幾好～
🦪◖瀨戶內海石蠔◗ $18
見佢期間限定嘅特選餐牌入面，呢隻生蠔超抵食，最少要叫半打，但$18就食到一隻大大隻嘅日本生蠔，真係好抵！生蠔海水味同鮮幾濃，面頭加咗啲豉油同埋蘿蔔泥提鮮調味，生蠔嘅海咁比較爽脆，但就唔算好甜呢～
🍣◖店長精選時令刺身（上）◗ $398
佢呢個刺身拼盤真係超吸引，有八款刺身一大盤咁上，每款都有三件～裏面有甜蝦、帆立貝、三文魚、八爪魚、油甘魚、左口魚邊、吞拿魚同縞鰺池魚，魚生片都係厚切！尤其鍾意佢個池魚、油甘魚同三文魚，脂肪分布平均，好鮮甜！
🌟Encore指數：8.5/10🏮木系和風居酒屋
张贴
