影片
更多
2024-12-29
756 浏览
過完聖誕，終於可以食返中菜，陪友人返屋企放低血併戰利品後，黎呢間開餐。牆上貼咗張大餐牌，望下就知想食咩。友人未到菜店，就已經講定今餐要食蠔餅。呢度嘅潮州蠔餅 ($98)，有成兩大餅，相當抵食。炸至金黃色，外邊脆卜卜，中間位置全部係蠔仔，隻隻肥嘟嘟，入口有滿滿蠔味，加埋魚露添味道，枱面有支胡椒粉，加少少仲正。趁熱食啦喂………叫咗蠔餅呢D熱辣香口野，配支冰凍Asahi啤酒 ($34)絶對岩數，飲杯。食潮菜，點都唔少得碟鹵水，想啖啖肉唔要骨，叫鹵水鵝片 ($168)就岩我呢D懶人(哈哈…)，底部仲有大荳芽。呢隻鵝大哥應該係玩開健身，皮下無多餘脂肪，肉帶有鹵水味，點醋汁食仲正。呢度嘅清炒時蔬有多種配搭，友人想食麵醬炒唐生菜 ($78)，就咁話啦。甜甜地嘅麵醬掛滿每條脆口唐生菜，同平時以蒜蓉炒嘅又有另一種味道。惹味之選黎個古法啫啫鷄煲 ($95)，除咗有鷄件外，仲有豬潤，再加入大量洋蔥及甜椒，放上枱已聞到香味。豬潤入口無異味，唔嚡; 鷄件就斬成一口鷄，咸咸地幾好送飯。侍應溫提宵夜時段九點後入座藍妹/Asahi 啤酒優惠$25支貼地價錢親民價，下次夜繽紛時再叫。
牆上貼咗張大餐牌，望下就知想食咩。
友人未到菜店，就已經講定今餐要食蠔餅。呢度嘅潮州蠔餅 ($98)，有成兩大餅，相當抵食。
炸至金黃色，外邊脆卜卜，中間位置全部係蠔仔，隻隻肥嘟嘟，入口有滿滿蠔味，加埋魚露添味道，枱面有支胡椒粉，加少少仲正。趁熱食啦喂………
叫咗蠔餅呢D熱辣香口野，配支冰凍Asahi啤酒 ($34)絶對岩數，飲杯。
食潮菜，點都唔少得碟鹵水，想啖啖肉唔要骨，叫鹵水鵝片 ($168)就岩我呢D懶人(哈哈…)，底部仲有大荳芽。
呢隻鵝大哥應該係玩開健身，皮下無多餘脂肪，肉帶有鹵水味，點醋汁食仲正。
呢度嘅清炒時蔬有多種配搭，友人想食麵醬炒唐生菜 ($78)，就咁話啦。甜甜地嘅麵醬掛滿每條脆口唐生菜，同平時以蒜蓉炒嘅又有另一種味道。
惹味之選黎個古法啫啫鷄煲 ($95)，除咗有鷄件外，仲有豬潤，再加入大量洋蔥及甜椒，放上枱已聞到香味。
豬潤入口無異味，唔嚡; 鷄件就斬成一口鷄，咸咸地幾好送飯。
侍應溫提宵夜時段九點後入座藍妹/Asahi 啤酒優惠$25支
貼地價錢親民價，下次夜繽紛時再叫。
张贴
