張公館

营业中

休息中

今日同朋友去銅鑼灣行街shopping，到咗食晏時，朋友帶我去＂張公館＂食野，話佢食過呢間的晚餐好食。入到去相當之有驚喜，地方雖然唔係好大，但環境優雅，望住落地玻璃窗，好有空間感。坐低一睇餐牌，見到做會員有優惠，我即刻掃code做會員，攞個優惠食埋呢餐先。點心方面，分別叫左懷舊豬潤燒賣、酥皮叉燒包、桂花五色糕同生磨蛋白杏仁茶。燒賣大大粒，食落有口感，豬潤夠滑香。叉燒包外皮酥脆，餡料多得爆棚，叉燒肉清楚可見，食落有咬口。杏仁茶上台已經聞到香味，磨得好幼好香，杏仁味濃，蛋白香滑，不妨叫一碗分享品嚐。另一份甜品推介桂花五色糕，係上多種水果製作，顏色鮮豔吸引，入口有濃郁又帶清新嘅桂花味。主食方面，先嗌咗燒味雙拼同羊肚菌姫松茸水中花燉湯。叉燒入口有濃郁嘅甜香味，肉質爽嫩多汁，而燒肉外皮脆口，肥瘦均勻，配有海蜇作為點綴，亦係爽口彈牙。燉湯既材料正正有助增強免疫力，湯水清甜，入口清潤，菇菌味好香，的確係注重養生既香港人首選。另外午市提供紅燒乳鴿，價錢唔貴而又為食既我地，叫左一隻試味。上台見到乳鴿燒得相當之有光澤，食落好香口，而且肉身帶汁，名副其實的皮脆肉嫩。