埠 (已結業)

琴日同男朋友揀咗一間望住海景食嘢嘅餐廳！聽住啲海水聲，同埋餐廳入邊播放嘅日本音樂，成個感覺都好relax！我哋每人都嗌左一個set lunch，價錢大概係$200內，有前菜、有燉蛋、有湯、有甜品，呢個價錢我覺得好合理！我就嗌咗呢一個鰻魚三重飯！三重嘅意思就係佢有三款食法！講下佢啲鰻魚先，食得出好新鮮而且肉質都好滑！佢啲鰻魚汁撈落啲飯到，個味道好夾，唔會好鹹！而且三種食法都令到個飯好特別，會覺得自己嗌左三個飯嚟食！🤣而呢一個安格斯牛扒，首先佢份量好多，而且下面亦都有啲一條條嘅炸薯仔，令到個牛扒唔會癡底。個牛扒煎得啱啱好，裏面大概係八成熟嘅牛扒！配埋個日本珍珠米食，真係好飽肚！