影片
更多
2021-09-25
303 浏览
本來開開心心特登book位想試新野，點知最後黑住面走。。Book枱時已知90分鐘，都合理呀！本來進餐時成個過程都好正常，上菜職員都好有禮貌，我都好有禮貌每次講唔該回應，最緊要大家開心嘛！中途我食完一碟收一碟，你唔想阻我食野又好，或者想我快d食完都好，都ok既！食到大約70分鐘靜返一碟未食完，有職員黎催我話出面有好多人等緊，要交枱，我都覺得奇怪，我心諗，明明未到90分鐘，唔通出面多人我就要讓張枱出嚟？！我叫左4碟餸兩個人食，都唔係食得慢呀！咁我答左嗯一聲！咁我繼續食埋靜低既個碟啦！食緊途中又聽到有個職員指示另一職員幫我張枱賣單，我都心知不妙，好啦你拎張單黎我照埋，咁我繼續食，食完野飲兩啖茶漱下口，又有職員拎哂盤同d新餐具走埋黎問我食哂未可唔可以執，你都拎哂盤仲企係四座位其中一個位到（唔係枱邊），唔通我話唔執得咩！你邊執我就邊飲埋啖茶啦！飲埋啖茶享受埋我應有既權利就走左啦！前後大概75分鐘到啦！至於食物，普普通通啦！魚湯浸蜆-胡椒味極濃，蓋過哂d魚湯味，蜆就一般般啦，細細粒，尚可接受。蠔餅-正正常常，質素同廟街差唔多！避風塘茄子-都係正正常常！鹵水拼盤-擺盤雜亂無章，味道都係正常啦！電話b
Book枱時已知90分鐘，都合理呀！本來進餐時成個過程都好正常，上菜職員都好有禮貌，我都好有禮貌每次講唔該回應，最緊要大家開心嘛！中途我食完一碟收一碟，你唔想阻我食野又好，或者想我快d食完都好，都ok既！食到大約70分鐘靜返一碟未食完，有職員黎催我話出面有好多人等緊，要交枱，我都覺得奇怪，我心諗，明明未到90分鐘，唔通出面多人我就要讓張枱出嚟？！我叫左4碟餸兩個人食，都唔係食得慢呀！咁我答左嗯一聲！咁我繼續食埋靜低既個碟啦！食緊途中又聽到有個職員指示另一職員幫我張枱賣單，我都心知不妙，好啦你拎張單黎我照埋，咁我繼續食，食完野飲兩啖茶漱下口，又有職員拎哂盤同d新餐具走埋黎問我食哂未可唔可以執，你都拎哂盤仲企係四座位其中一個位到（唔係枱邊），唔通我話唔執得咩！你邊執我就邊飲埋啖茶啦！飲埋啖茶享受埋我應有既權利就走左啦！前後大概75分鐘到啦！
至於食物，普普通通啦！
魚湯浸蜆-胡椒味極濃，蓋過哂d魚湯味，蜆就一般般啦，細細粒，尚可接受。
蠔餅-正正常常，質素同廟街差唔多！
避風塘茄子-都係正正常常！
鹵水拼盤-擺盤雜亂無章，味道都係正常啦！
電話book枱話90分鐘，最後70分鐘開始趕客走，唔知會唔會犯左商品說明條例？！點都好，我正常速度食野，又冇過你要求既時限，俾你三返四次催我走我真係食到冇哂心情！食物一般，服務態度惡劣，唔會有下次啦，唔想受氣！
张贴