影片
更多
2023-01-17
41 浏览
香港地食個正統少少嘅壽喜燒，好多時都起碼人均千幾，朋友話搵到間性價比好高，食完真係覺得物超所值。我諗住大部份人都會俾前菜磯煮鮑魚驚豔到，佢甚至比海鮮酒家嘅鮑魚更加彈牙鮮味，令我念念不忘。牛舌同熟成牛食材雖然唔係令人嘩一聲嘅質素，但蘭王蛋、京蔥、洋蔥等各種配料加咗唔少分，有食緊omakase或者鐵板燒嘅錯覺。和牛肉眼好柔軟，仲有少少嫩紅，一入口啲肉汁爆曬出嚟，夠油夠香。本來覺得配飯好似浪費咗個牛，但原來大有來頭，係岩手縣一見鍾情米，我哋真係食到一見鍾情。 米當然靚，好有米香，亦都煮得啱啱好，煙煙韌韌，比一般食到嘅日本米好食好多，男仔唔夠食仲有得添飯。西冷雖然睇落差唔多，但肉味同紋理都好出。 值得一讚壽喜燒嘅醬汁調配得好好，鹹甜度啱啱好，配唔同部位嘅肉或者蔬菜都好夾。鳥冬用醬汁煮完好入味，因為唔會話煮好耐或者好似其他舖頭咁醬汁由頭滾到落尾，所以唔會太鹹啱啱好。好多時壽喜燒套餐只會配一隻蛋由頭用到尾，所以開頭有少少慳住用。 估唔到呢度係類似每片肉都當一道菜咁，點完一片肉馬上收走碟蛋，前前後後都用咗起碼三隻蛋。 當然咁食係好爽，但好有衝動當刻即刻用嚟撈飯食，下次黎要記住點盡個蛋汁。最後去到湯同
我諗住大部份人都會俾前菜磯煮鮑魚驚豔到，佢甚至比海鮮酒家嘅鮑魚更加彈牙鮮味，令我念念不忘。
牛舌同熟成牛食材雖然唔係令人嘩一聲嘅質素，但蘭王蛋、京蔥、洋蔥等各種配料加咗唔少分，有食緊omakase或者鐵板燒嘅錯覺。
和牛肉眼好柔軟，仲有少少嫩紅，一入口啲肉汁爆曬出嚟，夠油夠香。
本來覺得配飯好似浪費咗個牛，但原來大有來頭，係岩手縣一見鍾情米，我哋真係食到一見鍾情。 米當然靚，好有米香，亦都煮得啱啱好，煙煙韌韌，比一般食到嘅日本米好食好多，男仔唔夠食仲有得添飯。
西冷雖然睇落差唔多，但肉味同紋理都好出。 值得一讚壽喜燒嘅醬汁調配得好好，鹹甜度啱啱好，配唔同部位嘅肉或者蔬菜都好夾。
鳥冬用醬汁煮完好入味，因為唔會話煮好耐或者好似其他舖頭咁醬汁由頭滾到落尾，所以唔會太鹹啱啱好。
好多時壽喜燒套餐只會配一隻蛋由頭用到尾，所以開頭有少少慳住用。 估唔到呢度係類似每片肉都當一道菜咁，點完一片肉馬上收走碟蛋，前前後後都用咗起碼三隻蛋。 當然咁食係好爽，但好有衝動當刻即刻用嚟撈飯食，下次黎要記住點盡個蛋汁。
最後去到湯同甜品都好完美，尤其鍾意黃豆粉水玄信餅，唔係咁多地方食到，非常滿足嘅一餐。
张贴
