茶舍 (北帝街)

营业中

休息中

今天正處土瓜灣區，事但搵間餐廳食個晏，入到一間叫茶舍嘅餐廳，裝潢都不錯，坐得都舒適，餐牌好多圖片，睇落好吸引；噤就點咗個龍蝦湯海鮮飯和脆炸軟殼蟹芥末醬吐司配薯條，套餐可以用18蚊加特飲，噤就加咗OREO碎片沙冰和芒果沙冰，嘩沙冰嚟到，個look好引睛，隻杯超高！飲落都好有芒果味和朱古力味；龍蝦海鮮飯份量ok，食落都好有龍蝦湯嘅味道，海鮮亦都有蝦有蜆有元貝，性價比好高，必食之選。脆炸軟殼蟹芥末吐司嚟到時個賣相好吸引，薯條都算脆，如果薯條熱返啲就完美，軟殼蟹加芥末醬真係絕配，食落超好味。最後見到只需加16蚊就有甜品，就點了原味芝士蛋糕和柚子味芝士蛋糕，原味芝士蛋糕芝士好實淨，好重本好有芝士味；柚子味芝士蛋糕，就好醒胃，有啲酸酸嘅柚子味，食落唔錯。總結來說，是一個性價比好高嘅午餐。