琥酌 (已結業)

因為同成班朋友約左去酒吧街飲野，收工之後同諗住同朋友食左飯先，比我搵到位於酒吧街附近既呢間居酒屋-琥酌。店面大大隻字寫住店名，同埋整體既裝修都幾靚，牆上仲有d大字裝飾下，日本味出哂黎。去飲酒前食d野落肚是常識吧，所以我地點左幾樣食物，分別係一個凍豆腐既前菜，「明太子焗野菜」，「地獄蕃茄安格斯牛肉鍋」，「安格斯盛合」，「日式炸豆腐」。一黎比個前菜我地醒醒胃，凍豆腐既清新，加上胡麻醬少少既甜酸度，即刻令人食慾大增。之後就來左明太子焗野菜，用左錫紙包著黎焗，保留菜既水分，仲有色澤，種類都幾多，蘿蔔西芹西蘭花菇菌，入口幾好清甜可口。係我地食緊蔬菜期間，個地獄蕃茄安格斯牛肉鍋就上枱啦，一黎就飄著陣陣既蕃茄香味，見著d鮮紅色既牛肉沉係鍋到，非常誘人，攪拌均勻之後，一入口，安格斯牛果然牛味十足，而且用呢個方法整熟佢入口係非常嫩滑，而且鍋底既辣度都幾有後勁，幾適合中意食辣既朋友。再之後就上左我最期待既安格斯盛合，呢個係用左美國安格斯肩胛肉去做既，店員就教我地將牛件放上去燒板上面每邊燒十五至二十秒左右就食得，果然輕微咁燒一燒之後令到牛既油脂都出哂黎，非常香，而且入口騷脆，難得享受，而且佢都有三個醬汁比你