SOW (已結業)

位於中上環嘅中西fusion餐廳，以西餐為基礎再加入中式元素，呢日係嚟食午餐~頭盤不是三揀一，而係一個小食拼盤咁，三款都有齊🔘月亮蝦餅配上特製冰梅醬，好夾好好食🔘黄金單骨雞翼個鹹蛋黃汁非常惹味🔘脆炸意大利戒指小雲吞，香脆可口，配搭蒜蓉蕃茄醬🔘低溫慢煮加拿大豬鞍豬鞍有厚度，經低溫慢煮，柔軟多肉汁，脂肪比例適中唔太肥，配搭中式糖醋汁，作為配菜嘅烤雜菜都幾好食，勝在款式多~🔘煎紐西蘭牛柳燒得香口，肉質細膩粉嫩，口感柔軟得來留有嚼勁，配搭薑葱汁，感覺呢間餐廳好講究醬汁，研發咗好多唔同口味嘅醬汁去配搭食材~最後食埋甜品柚子味雪葩，非常順滑酸酸地好refreshing，咖啡就發揮正常，好chill嘅下午~