影片
更多
2025-04-26
13 浏览
朋友升左職請我食omaskse 🥹我有食福啦坐吧枱座位可以欣賞到師傅席前料理既過程食材高質服務滿意飽到棒住個肚腩走😂😂😂HK$1480 per one 爍雨 套餐 23品先付🥚九州蘭王溫泉蛋蛋黃呈橙紅色，蛋香非常濃郁配鹽水海膽、三文魚籽撈勻一齊食，味道油膩。魚板用左醬物漬、芥末調味，口感彈牙。海草莖枝豆口感鮮嫩清爽、豆質軟綿帶少少辣味。宮崎澤蟹🦀炸到好香脆。季節性刺身♧岩手縣雪解生蠔🦪超級肥美飽滿，味道鮮甜濃郁，口感嫩滑，師傅更以薑汁、昆布提鮮😋。♧北海道水八瓜魚🐙分別有吸盤同肉。吸盤口感更彈牙爽口，肉部份切成薄片，質地軟嫩，配竹炭鹽、柚子啫哩，酸酸地好清新。♧九州深海池魚他他肉質鮮嫩肥美，脂厚油香，入口魚油甘香細膩，加左紫洋蔥，令甜味、鮮味提高。♧鯛魚真子第一次食，口感細緻柔軟，有d似煮熟左既三文魚，幾得意。季節性料理♧香箱蟹即松葉蟹蟹乸，師傅將蟹肉、蟹膏、蟹籽拆肉放滿蟹蓋，每一啖都係幸福既感覺🥹。♧北海道紫海膽師傅話5月推介😻北海道原隻紫針海膽上枱，氣勢十足。紫海膽顏色較淡，水份較高，味道清甜，帶海水味，配帆立貝、魚子醬，好鮮味。♧煙燻拖羅師傅以蘋果木煙燻大拖羅，再以紫菜包裹醬油漬
我有食福啦
坐吧枱座位可以欣賞到師傅席前料理既過程
食材高質
服務滿意
飽到棒住個肚腩走😂😂😂
HK$1480 per one 爍雨 套餐 23品
先付
🥚九州蘭王溫泉蛋蛋黃呈橙紅色，蛋香非常濃郁配鹽水海膽、三文魚籽撈勻一齊食，味道油膩。
魚板用左醬物漬、芥末調味，口感彈牙。海草莖枝豆口感鮮嫩清爽、豆質軟綿帶少少辣味。宮崎澤蟹🦀炸到好香脆。
季節性刺身
♧岩手縣雪解生蠔🦪
超級肥美飽滿，味道鮮甜濃郁，口感嫩滑，師傅更以薑汁、昆布提鮮😋。
♧北海道水八瓜魚🐙
分別有吸盤同肉。吸盤口感更彈牙爽口，肉部份切成薄片，質地軟嫩，配竹炭鹽、柚子啫哩，酸酸地好清新。
♧九州深海池魚他他
肉質鮮嫩肥美，脂厚油香，入口魚油甘香細膩，加左紫洋蔥，令甜味、鮮味提高。
♧鯛魚真子
第一次食，口感細緻柔軟，有d似煮熟左既三文魚，幾得意。
季節性料理
♧香箱蟹
即松葉蟹蟹乸，師傅將蟹肉、蟹膏、蟹籽拆肉放滿蟹蓋，每一啖都係幸福既感覺🥹。
♧北海道紫海膽
師傅話5月推介😻北海道原隻紫針海膽上枱，氣勢十足。紫海膽顏色較淡，水份較高，味道清甜，帶海水味，配帆立貝、魚子醬，好鮮味。
♧煙燻拖羅
師傅以蘋果木煙燻大拖羅，再以紫菜包裹醬油漬中拖羅，中間夾住塊紫蘇葉同埋沙甸魚乾，肉質油潤而軟滑，魚味濃郁，帶陣陣煙燻香味，口感又脆卜卜，油脂感爆哂燈！正到不得了🥹！
♧豆腐
外脆內嫰好多汁，豆味香濃！
♧水雲蕃茄
🍅酸酸甜甜係朋友最愛。
♧北海道魔鬼魚面頰
魔鬼魚面頰肉真係第一次食，肉質厚實口感有d似雞肉，加左京蔥、柚子皮調味，味道甜甜地。
♧螢光魷魚天婦羅
螢光魷魚天婦羅飽滿多膏，炸到脆卜卜，好香口。
鐵板燒
♧西班牙杜洛黑豬
肉質柔嫩和多汁，油脂分佈平均，牛油Mousse非常輕盈，食落冇油膩感。
手握壽司
♧春子鯛壽司
肉質帶點黏勁，味道清爽甘甜。
♧北海道牡丹蝦
肉質細綿爽口彈牙，鮮甜無比。加上蝦膏、蝦籽點綴，外貌、味道、口感都好滿意👍🏻。
♧鰤魚
即野生油甘魚，肉質細嫩，脂肪飽滿。
♧平貝
口感彈牙鮮味，味道鮮美濃厚，夾紫菜食一流。
♧淺草縣沙甸魚
口感鮮嫩柔軟，油脂感適中。
♧北海道馬糞海膽、吞拿魚手卷
馬糞海膽味道偏濃郁，甘甜味重，滿滿幸福感。吞拿魚口感綿密細膩，冇可能唔好味😂！
雲丹盛吸物
魚湯熬製到十分鮮味。
時令果物
抹茶蕨餅口感煙煙韌韌，外層沾滿抹茶粉，回甘香濃。厚燒玉子係蛋糕既口感，唔會太甜。熊本士多啤梨果香濃郁，唔算好甜但係好多汁。
下次要去食埋鐵板燒😋😋
张贴
