LAB EAT Restaurant & Bar (金巴利道)

营业中

休息中

呢間餐廳係朋友揀嘅，個位都幾隱閉，響尖沙咀同佐敦中間，開咗一陣google map 先揾到~ 一入門口就見到酒吧，燈光昏暗，氣氛唔錯朋友鍾意飲紅酒, 所以叫咗一杯西班牙紅酒, 不過我唔太識飲酒, 所以都唔知好唔好飲~ 之後我哋叫咗個磨菇湯，番茄意粉，燒黑毛豬鞍扒仲有粟米Gelato~ 首先餐包非常有水準，烘熱咗外脆內軟，好啱我口味，因為本人唔太鍾意啲太硬嘅餐包~ 蘑菇餐湯都超正，飲得出冇乜點溝麵粉，蘑菇味好重，加埋湯上面嘅奶泡令成碗湯更加濃郁，好飲蕃茄意粉用料好簡單，得番茄同少少芝士，意粉煮得起骨，軟硬度適中幾好食，調味都唔錯, 如果多番少少茄肉或者芝士就更加好~ 我最鍾意嘅就係燒黑毛豬鞍扒, 有好香嘅炭燒味之餘，豬肉都係烤得恰到好處地熟，保留到好多肉汁, 非常Juicy至於粟米Gelato個粟米味夠晒特別同好突出，個人幾中意！仲有舊熱熱地嘅蛋糕伴碟，成個combination都好創新同特別總括嚟講，餐廳雖然唔算特別平, 但絕對值得一試!