火土燒肉

好想去露營，但奈何天氣賽實在太熱，仲要明明已經過左中秋節...呢間新式燒肉店以露營為主題，有齊帳篷、露營櫈、露營燈，連食嘢嘅餐具都係露營用品，好有氣氛，係山系嘅感覺🌻全牛特選拼盤 ($458)拼盤包括牛肋肉、牛胸腹、牛三筋、雪花牛小排以及薄切香蔥牛舌，可以一次過試勻牛嘅不同部位好豐富🐂 最中意雪花牛小排，油脂分布平均，口感嫩滑。牛三筋都好特別，佢係牛嘅稀有部位，食落口感肥瘦均勻。而薄切牛舌質感爽嫩，配上燒肉汁特別惹味!!月見醬燒飯糰 ($38)超級有驚喜嘅小食！本身係單純覺得佢賣相精緻所以點，冇諗過咁好食。飯糰燒得表面香脆，配上好香嘅醬油味，拮穿蛋黃後，米飯吸滿了濃郁嘅蛋汁，風味十足。蒜香牛油扇貝$68表面鋪滿超多蒜蓉同牛油，扇貝都好新鮮 日本蟹肉忌廉薯餅 $48/ 一口炸芝士 $38即食熱辣辣，好中意日本蟹肉忌廉薯餅，裡面好多蟹肉好creamy 松阪豬頸肉 $98焦脆得來內汁飽滿🥰雕魚燒（$48)睇佢賣相平平無奇，點知燒完後好香脆好好食！味道有紅豆同吉士，內裡嘅口感好似麻糬，外脆內煙韌，有驚喜！