十下火鍋

呢幾日天氣突然轉凍，難得又約咗朋友食飯，朋友知我鍾意打邊爐就帶咗我呢呢間十下試吓。當日下午book位都依然可以book到位裝修好懷舊，古色古香，而且播放着啲七八十年代嘅音樂，就連餐具都係用懷舊嘅風格，令到我好似坐咗時光機回到過去咁。今日我哋選擇咗一個二人餐，材料好豐富。兩個人既分量真係好多呀，麻辣湯底唔算好辣，牛肉係新鮮嘅手切牛肉，可能我哋細食，根本食唔晒。仲有我最愛嘅牛空腹，爽口而不油膩,完全唔記得咗佢係一舊肥膏。最驚喜嘅係佢嘅魚蛋，竟然係陳皮魚蛋，而家打邊爐仲有陳皮魚蛋嘅，真係買少見少，而且更加難得嘅係竟然仲會有鴨血食，真係好驚喜。而且佢嘅肉丸都好特別，全部都有流心嘅。最後食埋個寬粉，煙煙銀銀，好Q唷。飲品方面，我哋選擇咗冬瓜茶，清新美味，唯一美中不足嘅係呢個茶太甜啦。