琥酌 (已結業)

去完行花街, 附近兜下就見到呢間日本店, 門口幾靚, 睇下門口餐牌, 原來有得食吉列牛, 未食過, 即衝入去. 裡面裝修唔錯, 用既餐具都好日本feel, 有心思!前菜小碟, 似關東煮, 有蘿蔔同埋牛舌, 牛舌厚切, 好味!頂級美國安格斯吉列牛配上小型火爐, 自己燒, 鍾意燒幾熟都得, 不過牛肉5成熟就啱啱好.好冧好香, 如果有機會再黎, 一定要試下和牛.琥酌吉列盛合 (吉列廣島蠔, 吉列大蝦, 吉列和牛薯餅)隻蝦鮮甜, 炸漿溝得幾好, 炸得好鬆脆!琥酌丼比想像中差, 牛肉”鞋”左D, 個汁就ok.芝士焗松葉蟹蓋芝士味重, 燒得好香, 不過如果裡面D蟹膏可以再多D就正喇!