影片
更多
2010-05-31
6 浏览
30-5-2010是日到銅記食 lunch 無乜心水, 人在 Times Square 附近, 諗起之前想嚟食宵卻因太夜摸門釘的呢度, 又上嚟食個簡餐. 2:00pm 坐低剛好有下午茶餐供應, 店員哥哥仲話「瑞士雞翼撈公仔麵」($26) 係佢哋招牌之一, 又跟杯熱奶茶試試; 朋友就食「常餐」, 有蕃茄炒蛋, 蒜蓉包, 沙爹肥牛公仔麵及凍奶茶; 再加一客 promotion 中的 $1 奶油豬 share 食.先嚟熱奶茶, 色水有點「暗啞」, 飲落算滑, 但奶味好薄, 茶味怪怪的又幾澀口, 乜茶 base 嚟0架!? 唯有落點糖「遮遮掩掩」一下, 真係 無試朋友的凍奶茶, 不過當我話自己杯奶茶味道怪怪哋, 朋友亦話佢呢杯有相同問題, 睇怕... 蒜蓉包: menu 上的係法包, 嚟到卻變了多士 不過烘得邊位微燶脆身, 中間軟熟, 牛油夠, 蒜蓉及香草夠味又唔會過鹹, 算係咁了.奶油豬: 食了「底」部, 烘得熱辣燶邊又鬆脆, 中間就幾軟熟, 煉奶及牛油份量夠, 比例亦平均, 食落又甜又飽膩, 好食喎 朋友話只係「及格啦」, 我就覺得比翠華(http://www.openr
是日到銅記食 lunch 無乜心水, 人在 Times Square 附近, 諗起之前想嚟食宵卻因太夜摸門釘的呢度, 又上嚟食個簡餐. 2:00pm 坐低剛好有下午茶餐供應, 店員哥哥仲話「瑞士雞翼撈公仔麵」($26) 係佢哋招牌之一, 又跟杯熱奶茶試試; 朋友就食「常餐」, 有蕃茄炒蛋, 蒜蓉包, 沙爹肥牛公仔麵及凍奶茶; 再加一客 promotion 中的 $1 奶油豬 share 食.
先嚟熱奶茶, 色水有點「暗啞」, 飲落算滑, 但奶味好薄, 茶味怪怪的又幾澀口, 乜茶 base 嚟0架!? 唯有落點糖「遮遮掩掩」一下, 真係
無試朋友的凍奶茶, 不過當我話自己杯奶茶味道怪怪哋, 朋友亦話佢呢杯有相同問題, 睇怕...
蒜蓉包: menu 上的係法包, 嚟到卻變了多士 不過烘得邊位微燶脆身, 中間軟熟, 牛油夠, 蒜蓉及香草夠味又唔會過鹹, 算係咁了.
奶油豬: 食了「底」部, 烘得熱辣燶邊又鬆脆, 中間就幾軟熟, 煉奶及牛油份量夠, 比例亦平均, 食落又甜又飽膩, 好食喎 朋友話只係「及格啦」, 我就覺得比翠華(http://www.openrice.com/restaurant/commentdetail.htm?commentid=2060417), 甚至華康 (http://www.openrice.com/restaurant/commentdetail.htm?commentid=153623) 的「名物」好, 只賣 $1 值得試試.
蕃茄炒蛋: 炒蛋賣相「老」得很, 幾樣衰, 食落油油, 不過算幾香滑, 好在; 蕃茄粒比蛋更樣衰 , 無食了.
瑞士雞翼撈公仔麵: 雞全翼有 3 隻, 賣相幾肥美, 雞皮索滿鹹甜適中的瑞士汁當然唔會唔好食; 雞肉有點黐骨又無乜味, 不過食落又竟然有點肉汁, 又估佢唔到; 麵底食落尚算有咬口, 而汁就實在太少了, 都撈唔起的? 不過整體都算 ok 的, 雖然翠華比佢好少少.
沙爹肥牛公仔麵: 呢個就超級難食... 湯底疑似溝稀了的「史」字牌清雞湯, 麵底「發水度」嚴重, "pat" 喺面的沙爹汁又稀又無味, 連肥牛都係超級 overcooked 的柴皮無味嘢 (隔嚟 Hipot 的倉底貨色? ), 我只食了一啖都幾乎爆起粗來 , 難怪朋友食剩大半碗!
食物有好有唔好; 配套就完全唔似茶記, 除咗環境勁靚裝之外, 店員們服務態度亦十分殷勤有禮, 睇嚟要配合「呢度始終係酒店」的格局?
埋單每人約 $30, 唔太好食, 朋友仲因為碗公仔麵太難食,「揚言」今晚要寫佢好日唔寫的食評 , 大家都應該唔會再來了... 不過喺銅記想食個奶油豬, 呢度都可以一試的, 味道勉強 3 分俾佢吧.
张贴
