牛摩 (屯門時代廣場南翼)

营业中

休息中

想食放題火鍋，見牛摩有一人一鍋就入去試下啦，閒日晚上8點半都唔洗點排隊。朋友揀咗279一位嘅set，90分鐘任食。可以選擇嘅食品種類都算多。佢揀壽喜燒湯底，甜甜地跟隻蛋。我揀昆布鰹魚湯，清清地。店員叫我地電話掃QR code落單，最近我唔想食牛，所以除咗牛之外，都有點黑豚豬，雞肉，同鴨血。飲品櫃選擇都多，不過無糖或者低糖嘅飲品種類得好少。野食一次過嚟，雞肉漏單，鴨血填1就係得一粒，但佢個系統最多係俾填到2。炸雞翼雞軟骨佢直頭撈埋做一個兜出，感覺好差。二人枱好細好逼，成枱都係碟根本唔夠位擺。收碟唔算快手，加湯都要叫人先有，店內自助區嘅夾都有d污糟，感覺衛生情況好一般。仲有20分鐘左右，店員已經拎張單過嚟叫我地埋，信用卡可扣cash dollar，其實我同朋友都食到無乜癮想走。點知佢地首先拎錯單俾我地，好彩朋友望一望留意到張信用卡唔係佢嘅所以無簽名，店員先即刻拎返走。跟住隔咗陣，店員拎三張單過嚟，話第一張碌錯咗，第二張refund返，第三張先係正確嘅，俾我朋友簽。員工偶有出錯唔緊要，但接二連三咁出錯，我地都唔太想再去呢間食。