影片
更多
2022-06-21
400 浏览
早前朋友推介，話有間响尖沙咀食日本嘢幾好。咁啱今日要出尖沙咀買嘢，既然咁講就上去睇睇先。呢間餐廳地方好大，係全層，日式木系裝修，座位寬闊。仲有BAR 枱，前面有好多新鮮日本進口海鮮。坐低就已經聽到講日文客人，一家四口黎食飯，而職員亦用日文同佢哋傾計。打開MENU，有好多嘢食，老公發辦，樣樣都叫D。之後同職員傾計先知道，呢間餐廳到今年8月就已經18周年喇，累積左唔少日本客人，餐廳名松戶係用之前的日本廚師命名。呢度仲有3間party room，好多日本人嘅熟客都會包場，真係好似日本居酒屋。酒煮花螺：花螺有淡淡酒香，底仲有D海藻，兩者入晒味。雜錦剌身(上)：二人份量，魚類刺身有魚、吞拿魚、油甘魚同三文魚，入口帶淡淡油脂，感覺肥美，而帶子同甜蝦帶鮮甜味。另外海膽廷身，咬落去爆開粒粒魚子汁，味道好夾。 鰭處松户海鮮沙律：賣相好靚，又夠睇頭。沙律菜洗得新鮮乾淨，海鮮係刺身黎，切開左一粒粒，樣樣都有d。醬汁係用左自家製酸汁，味道都幾好，酸may may，夠晒開胃，估唔到沙律都可以咁豐富。雞泡魚乾：唔會燒到硬掘掘，入口比較軟身，點埋蛋黃醬食就夠滋味。芝麻雞翼：熱辣辣，連雞翼尖果部份都醃好入味，咬落鬆
呢間餐廳地方好大，係全層，日式木系裝修，座位寬闊。仲有BAR 枱，前面有好多新鮮日本進口海鮮。坐低就已經聽到講日文客人，一家四口黎食飯，而職員亦用日文同佢哋傾計。打開MENU，有好多嘢食，老公發辦，樣樣都叫D。之後同職員傾計先知道，呢間餐廳到今年8月就已經18周年喇，累積左唔少日本客人，餐廳名松戶係用之前的日本廚師命名。呢度仲有3間party room，好多日本人嘅熟客都會包場，真係好似日本居酒屋。
酒煮花螺：花螺有淡淡酒香，底仲有D海藻，兩者入晒味。
雜錦剌身(上)：二人份量，魚類刺身有魚、吞拿魚、油甘魚同三文魚，入口帶淡淡油脂，感覺肥美，而帶子同甜蝦帶鮮甜味。另外海膽廷身，咬落去爆開粒粒魚子汁，味道好夾。 
鰭處松户海鮮沙律：賣相好靚，又夠睇頭。沙律菜洗得新鮮乾淨，海鮮係刺身黎，切開左一粒粒，樣樣都有d。醬汁係用左自家製酸汁，味道都幾好，酸may may，夠晒開胃，估唔到沙律都可以咁豐富。
雞泡魚乾：唔會燒到硬掘掘，入口比較軟身，點埋蛋黃醬食就夠滋味。
芝麻雞翼：熱辣辣，連雞翼尖果部份都醃好入味，咬落鬆脆，加埋上面D芝麻，入口仲香。旁邊有D沙律菜，新鮮，洗得乾淨。
炸牛肉薯餅：剛炸起，都係鬆脆，點埋旁邊醬汁仲好食。另外有沙律菜做伴碟，食埋就無咁熱氣喇。
日式煎蛋卷：蛋煎得香，裡面夾住明太子同香蔥，咬落去連蛋汁流出，豐富有口感。
日式雪菜炒飯：用日本產米，炒到一粒粒但都好黏，唔太油，雪菜鹹鹹酸酸，炒得唔錯，幾好食。
紅豆雪糕：唔太甜，重紅豆味，裡面仲有粒粒紅豆架，食完好飽都想再食。
张贴
