基地 (已結業)

想OpenRice睇食乜嘢發現呢一間餐廳好特別，好多霓虹燈大左嘅餐廳。去到之後入邊基本上full晒，好彩之前有Book位。不過個地點有少少難搵。入唔到入邊見到好多打卡位，嘢食方面選擇算多唔多。我哋叫咗一個明太子雞翼、M5和牛、黑松露卡幫尼意粉同埋兩杯飲品。叫咗refresher同埋薄荷朱古力整體來講都幾好食，明太子雞翼都幾足料但係明太子味唔係太出。牛肉好林，而且好有牛肉味，我哋叫咗七成熟切出嚟真係啱啱好。最有驚喜嘅就係意粉，佢用嘅煙肉唔係出邊普通見到嘅煙肉，係厚切嘅煙肉，而且睇得出係似手工整出嚟嘅。而果兩杯飲品都唔差， refresher就酸酸地，幾開胃。另外薄荷朱古力真係好重薄荷味，不過呢個就冇乜驚喜，就係想像中嘅薄荷朱古力味。整體來講呢間啲嘢食都好食，但係就係價錢有啲貴。