Theo Mistral by Theo Randall (已搬遷) 新店位置

蟹肉凱撒沙律 - 頂層放咗兩塊好薄好薄嘅多士同埋有啲脆煙肉碎，中間係蟹肉沙律，而底層就係羅馬生菜，佢用嘅凱撒沙律醬比較偏淡味，唔會搶咗蟹肉嘅鮮甜味。烤焗澳洲羊架伴薯蓉 - 羊架雖然有三條骨，但係size唔大，應該係屬於BB羊，所以肉質好嫩，外皮有少少脆。大蝦意大利飯 - 呢個意大利飯今次就做得比較差，做得好稀，而且飯粒好淋，唔講以為食緊粥😓。虎蝦算大隻，肉質彈牙，不過就覺得浪費咗呢一個組合，因為兩樣嘢係分開煮，只係將煎好嘅大蝦放喺意大利飯上面就咁。熱情果撻 - 酸酸甜甜好開胃，有啲似檸檬撻，不過係比檸檬撻香。