29
4
1
港铁红磡站 D1 出口 继续阅读
电话号码
27312870
开饭介绍
全新开幕的意大利餐厅Theo Mistral by Theo Randall以经典的意大利菜式为灵感制作出一系列崭新美食,将意式滋味带到香港。於英国顶级名厨Theo Randall的带领下,餐厅将於3月中旬於香港海景嘉福洲际酒店开幕。凭藉精心炮制的高质素意大利菜肴,Theo Mistral by Theo Randall将引领食客踏上最迷人的意大利美食之旅,保证为食客的味蕾带来前所未有的享受。 继续阅读
营业时间
今日营业
11:00 - 15:00
18:30 - 23:00
星期一至六
12:00 - 15:00
18:30 - 23:00
星期日
11:00 - 15:00
18:30 - 23:00
付款方式
Visa Master 现金 美国运通 银联 JCB
座位数目
120
其他资料
网上订座
Wi-Fi
酒精饮料
自带酒水
切蛋糕费
赏订座积分
外卖服务
加一服务费
有关奖赏计划
食记 (49)
等级4 2020-09-12
1733 浏览
上次A姐带咗我去海景嘉福洲际酒店玩staycation,package仲包埋体验60分钟嘅威士忌大师班,令我对威士忌加深咗认识,而我哋仲试咗唔少威士忌添呀!但讲到海景嘉福洲际酒店,又点可以唔试试佢哋间好出名嘅意大利餐厅呢?就当奖励A姐今次staycation嘅安排,所以我哋晚餐嚟到由英国名厨Theo Randall主理嘅Theo Mistral by Theo Randall,佢虽然系英国人但有一颗意国心,听闻佢仲系Jamie Oliver 嘅启蒙大师添呀!既然咁开心,当然要饮返杯Sparkling,呢只Bottega Prosecco DOC好容易入口,作为餐前酒真系一流。坐低之後,先上咗一个面包篮,份量好多,而且味道都好好,但我哋都唔敢食太多,怕之後嘅嘢食唔落。Insalata Di Granchio E Aragosta呢个龙虾蟹肉沙律,用咗新鲜嘅波士顿龙虾同蟹肉整成,鲜味十足!配上翡冷翠茴香、火箭菜同菊苣而成嘅沙律,好好味呀!配埋头先嘅Prosecco,真系好夹!Tratare Di Tonno, Arance E Cacao超锺意食呑拿鱼嘅我哋,特登叫咗呢个吞拿鱼他他,餐厅用咗大量嘅吞拿鱼鱼生制作,十足足料,配上红辣椒、青瓜等等嘅配料,令到呢个吞拿鱼他他更有口感,更突显吞拿鱼嘅鲜味。Cappelletti Di Vitello当年我仲未识A姐,佢曾经试过独游意大利,仲话香港嘅意大利云吞系无得比,今日佢终於搵到喺香港都可以好好味嘅意大利云吞啦!呢个意大利云吞入边系小牛肉配上牛肝菌汁,牛肉味香浓,配上淡淡嘅酱汁,意外地好match好好味。我哋就配咗杯红酒Bottega Cabernet Sauvignon,有淡淡嘅黑莓果香,吊返牛肝菌同小牛肉嘅鲜味。Arrosto Di Faraona至於主菜方面,我哋就拣咗从来冇食过嘅珠鸡,听店员讲,佢哋嘅珠鸡唔可以太大只,又唔可以太细只,要啱啱好,咁啲肉质先会够滑。果真,呢只珠鸡真系好滑,配上独特嘅百里香同柠檬皮等制成酱汁,令味道大大提升。另外,记住连埋个面包一齐食,口感即刻丰富大增。配菜仲有加咗番红花嘅烤薯仔同劲甜嘅甜椒,千祈唔好错过。Merluzzo Al Vermouth E Porcini呢个焗大西洋嘅黑银鳕鱼,鱼肉无骨超滑,啖啖肉,够晒满足。另外配菜嘅分别有小萝卜同用牛肝菌、茴香同百里香整成嘅瑞士甜菜。食鱼就当然系配白酒,职员介绍Sauvignon Blanc嘅COSTA DI GIULIA Bolgheri Bianco,入口有少少酸,提升鳕鱼嘅鲜味。Tiramisu呢个Tiramisu系呢度嘅名物,真系好香浓同好滑,而且卖相一流,少女心嘅呢只即刻心心眼,仲要打卡影相添。Crostata Di Limoni Di Amalfi食到饱饱,最啱就系有啲酸野,令到自己消消滞,所以我哋叫咗呢个柠檬挞,柠檬嘅香味十足,酸酸甜甜,为呢个晚餐画上完美句号。(记住Like同Share畀朋友) 继续阅读
(以上食记乃用户个人意见 , 并不代表OpenRice之观点。)
等级4 2020-09-12
1131 浏览
Staycation晚餐安排了在Theo Mistral by Theo Randall食义大利菜,餐厅环境十分宽敞舒适,枱与枱的距离都很充足,即使小儿们一直在嘈吵,也不怕骚扰其他客人,侍应的招呼亦很周到,因为小儿们久不久都会跌餐具和纸巾落地,侍应们都能够迅速发现和更换。不过这儿没有小朋友餐具提供,所以经常要留意小儿们有否打翻杯子或跌餐具,每次他们摇摇晃晃地拎起玻璃杯时,我都会有些紧张。 酒店的package居然包四份套餐,包括了饮品,面包,前菜,义大利粉,主菜和甜品拼盘,非常丰富。先来的是饮品,我选了热柠茶,因为这儿的冷气实在太强劲,实在需要些热饮抗衡一下。小朋友们都选了最爱的橙汁,不过饮完之後就一直打冷震话好涷。随後来的是面包,四款面包都各有擅长,我最爱的是软绵可口的香草面包,啖啖都是浓郁的橄榄油香气,点蘸黑醋和橄榄油同吃更是美味又开胃,小朋友就最喜欢长长的香脆芝麻面包条。前菜拼盘竟然一式有两份,每份都有水牛芝士,多款义大利火腿和冷肉,风乾牛肉,蕃茄bruschetta,橄榄,烤芦笋和洋蓟,十分精致又美味。之後上场的是黑松露意粉,意粉软硬度适中,酱汁幼滑,带浓浓的黑松露香气,非常可口。吃完意粉,两位小儿的战斗力已彻底耗尽,但还有四大碟主菜,无奈地我们只能每碟浅嚐几口,两款主菜中西冷牛扒较为出色,煎鲈鱼就煎得过熟,肉质较靱。最後还有甜品,除蓝莓布甸外,其他的柠檬挞,朱古力蛋糕和芝士蛋糕我们都决定放弃,打包回房慢慢食。 其实整体上食物味道不错,只是份量太多,所有菜式都双倍份量实在是太夸张,虽然是好抵食,但亦有些浪费。 继续阅读
(以上食记乃用户个人意见 , 并不代表OpenRice之观点。)
等级4 2020-06-29
2812 浏览
疫情嘅关系已经好耐冇去旅行享受下vacation✈️ 不过唔紧要,原来系香港都可以有渡假嘅感觉😍香港各大酒店都推出唔同嘅Staycation package, 最终简左五星级酒店 - 海景嘉福洲际酒店,成个package 性价比好高👍🏻而我最欣赏同推介嘅就系意大利双人晚餐🍽 餐厅嘅主厨系英国名厨Theo Randall👨🏻‍🍳 所有食材同餐单都由大厨Theo亲身精心挑选同设计,令人尽享意大利风情同滋味。Appetizer 精选意式头盘 头盘非常丰富🥰有我好钟意食嘅水牛芝士同埋巴玛火腿,巴玛火腿油香满溢🤤,柔软嘅肉质咸味鲜香,感受到淡淡嘅风乾感。意式蕃茄香蒜包几出乎意料,香蒜包香脆可口,配上甜甜辣辣嘅意式蕃茄🍅,作为小吃好开胃☺️自家制蛋面🍝作为前菜所以份量唔多,但都足以令你回味无穷🤤因为真系好好食😆蛋面嘅粗幼相比平时食开嘅意粉幼细,坚韧道适中,个sauce系用巴马芝士同羊奶芝士制作而成🧀再配上意大利黑松露同埋香草,非常浓郁细滑,充满creamy 嘅口感,浓郁而不腻😋Main Dish香煎意大利海炉鱼🐟炉鱼煎至外层金黄色,香脆可口,洒上海盐,味道偏咸,内层肉质嫩滑多汁💦仲慢慢渗透出鱼油嘅芳香,味道偏淡,内外味道中和番,令鱼嘅鲜味更加突出🤩 其中一种配菜系水瓜榴,爽爽脆脆,酸中带点甘苦,甘苦中带点鲜甜,为呢道菜添加左一份清新同埋增加口感嘅层次🥰烤美国顶级西冷牛扒🥩餐厅好细心将西冷牛扒切成细件,配上牛肝菌汁,配菜有薯蓉同埋菠菜。牛扒肉质较嫩,肉味浓厚,肉汁系齿颊中渗出,同牛肝菌汁完美配合👏🏻Dessert 精选意式甜品🍰🍮总共有4款甜品,分别有意大利柠檬馅饼、咖啡奶冻、软身朱古力蛋糕同埋淡芝士蛋糕,食甜品嘅次序都有讲究,只要跟番menu嘅次序就可以,每款甜品质素都好好,甜而不腻,最欣赏咖啡奶冻☕️ 咖啡味好香浓,好似饮紧原杯咖啡咁,一试就知用左靓意大利咖啡豆打磨成酱,最後仲会送上一块chocolate bar, 可以用鎚仔敲碎黎食,美味嘅甜品为呢顿晚餐画上完美嘅句号。🥳P.S. 不得不提餐前意式餐包🥖餐包外层松脆香口,内层软软绵绵,质感好好,再用意式食法点上橄榄油同埋意大利黑醋,入口时多左一份淡淡嘅清香同埋醋嘅酸甜,味道都几独特,不妨试下咁食😉 继续阅读
(以上食记乃用户个人意见 , 并不代表OpenRice之观点。)
等级4 2020-06-07
1113 浏览
海景嘉福洲际酒店, 前身海景假日,後改为洲际集团旗下另一更高级品牌洲际管理,( 其他品牌包括丽晶、假日、智选假日、皇冠假日、金普顿、英迪格….) 酒店内的意大利菜绝对配得起一个星级厨师。(是晚手机没电, 借用手机效果可能不太理想。)是晚餐单整体来说用餐体验, 除了一早上的面包篮已放冻外,其他食品质数算中级以上, 主菜西冷无论肉质、火喉、味道更是令人回味无穷。 至於服务的而且确扣咗啲分,不知道是否因为疫情关系,餐厅上班员工减少,服务质素下降,并非说服务员没有礼貌,而是人手不足,眼所见到服务员满场飞,我们两次添水要主动提出,有些枱客人已离座,亦没时间收拾台面。这个是偶有之问题, 还是管理层安排失当,有时一餐饭,除咗食材、味道、 境观、装修、价钱定位、服务质素不只是礼貌,还有更多无数的小细节结合,才会令到客户有一份完整完美的用餐体验。( 现场不止一张没有收拾的枱)食物卖相=(满分20) 16食物味道=(满分20) 17服务质素=(满分20) 10装修整洁=(满分20) 16性价比率=(满分10) 8 ( 是次用优惠套票) 回头指数=(满分10) 7总评分(满分100)74分 继续阅读
(以上食记乃用户个人意见 , 并不代表OpenRice之观点。)
为了庆祝纪念日, 希望寻找一间环境和气氛都好的西式餐厅  Theo Mistral by Theo Randall 的新装潢在今年3月完工, 所以无论店面或者内在都非常新颖从门口看进去室内设计富有时代感, 坐位舒适(1) 意式火腿拼盘, 配香槟非常夹(2) 黑松露芝士意粉前文曾经提及过高质量的黑松露的重要性, 这里的黑松露明确吃的出是用了上乘的食材, 黑松露的香气跟芝士在口腔久久不散去 (3) 牛小排作为牛扒爱好者, 这次选了牛小排, 可惜是没什麽惊喜, 味道跟去酒店自助餐任吃的那种牛小排差不多味道, 不是差, 但建议可以试其他菜式(4) 芝士蛋糕试了数种芝士蛋糕, 个人觉得若是下午茶配咖啡会比较夹 继续阅读
(以上食记乃用户个人意见 , 并不代表OpenRice之观点。)