影片
更多
2021-11-07
17146 浏览
呢間自助餐我之前食過兩次，我都覺得高度好評。 今次我推薦我個friend嚟陪我食，本來諗住食17:00-19:00，但睇OpenRice先知原來早場啲食物係有唔同，冇鵝肝同埋某啲食物，因為咁，結果都係要食19:30-22:00(價錢當然有分別)。 一入去梗係要排啲多人攞嘅嘢先啦，心諗鵝肝係我嘅第一首選，但點知見到生蠔冇乜人排隊喎，唯有轉戰生蠔🦪 每人一次可以攞三隻。 而我個friend(食肉獸)就即刻走去攞咗一片和牛同一塊羊扒，唔好睇片和牛薄薄咁，佢超級好食，一入口即溶。塊羊扒一啲都唔「so」，平時唔太食羊扒嘅我，都覺得完全可以encore 生蠔質量無需懷疑👍🏻 轉頭我見到有酥皮湯，個酥皮裏面係蘑菇湯，但由於太興奮手震(˶‾᷄ ⁻̫ ‾᷅˵)，張相影得唔清楚，唔好意思ಠ_ಠ 之後我都攞咗少少魚生，見到冇人排但又咁新鮮，冇理由唔捧吓場。 雖然我對長腳蟹冇乜特別大愛，不過去到都攞咗一兩條，再幫個friend每人攞咗半邊龍蝦(勁多人排)，仲有幾隻凍蝦。全部都合格，抵讚！ 因為和牛實在太正，於是乎我encore咗無數次(我諗我有食咗四五片)，亦試咗佢哋嘅壽喜燒。總括嚟講，今次自助餐我最欣賞嘅就係佢哋
今次我推薦我個friend嚟陪我食，本來諗住食17:00-19:00，但睇OpenRice先知原來早場啲食物係有唔同，冇鵝肝同埋某啲食物，因為咁，結果都係要食19:30-22:00(價錢當然有分別)。
一入去梗係要排啲多人攞嘅嘢先啦，心諗鵝肝係我嘅第一首選，但點知見到生蠔冇乜人排隊喎，唯有轉戰生蠔🦪
每人一次可以攞三隻。
而我個friend(食肉獸)就即刻走去攞咗一片和牛同一塊羊扒，唔好睇片和牛薄薄咁，佢超級好食，一入口即溶。塊羊扒一啲都唔「so」，平時唔太食羊扒嘅我，都覺得完全可以encore
生蠔質量無需懷疑👍🏻
轉頭我見到有酥皮湯，個酥皮裏面係蘑菇湯，但由於太興奮手震(˶‾᷄ ⁻̫ ‾᷅˵)，張相影得唔清楚，唔好意思ಠ_ಠ
之後我都攞咗少少魚生，見到冇人排但又咁新鮮，冇理由唔捧吓場。
雖然我對長腳蟹冇乜特別大愛，不過去到都攞咗一兩條，再幫個friend每人攞咗半邊龍蝦(勁多人排)，仲有幾隻凍蝦。全部都合格，抵讚！
因為和牛實在太正，於是乎我encore咗無數次(我諗我有食咗四五片)，亦試咗佢哋嘅壽喜燒。總括嚟講，今次自助餐我最欣賞嘅就係佢哋嘅和牛( ´▽` )ﾉ
而我本來至愛嘅鵝肝，要等到20:15先至有得攞，之後20:30同埋20:45(勁多人排20:15)。不過，感覺佢哋嘅鵝肝同之前有少少分別，今次覺得有少少筋，但係我仍然極度推介，入口即溶，不過因為太飽嘅關係，20:45嗰輪冇人排，我都食唔落第二件🥲而家諗返，有少少後悔╭(╯^╰)╮
20:30就輪到攞佢哋嘅心太軟，雖然我哋唔係慶祝啲乜嘢，不過我都唔執輸寫咗一個靚靚嘅俾個friend(因為私隱嘅關係，啲字俾我抹咗)，我自己食咗一個普通版。
平日個friend唔太鍾意食甜品，不過佢都食晒成個，你話係咪超正先？一如之前兩次佢哋嘅心太軟都係即刻整，外冷內熱，睇住佢流出嚟嘅朱古力，好amazing🤪
八八卦卦嘅我，聽到隔離枱話佢哋嘅燉湯好好味，於是我喺極飽嘅情況下，都問師傅攞咗一個。呢個係花旗參燉雞腳(?!個名有啲長，唔係好記得)，真材實料，花旗參味好重。
其實中間我都食咗一兩轉熱食，但因為相片有限，無法上傳全部 ~\(≧▽≦)/~
甜品方面~ 我要介紹吓比較少有嘅北海道牛奶布丁。不過我唔食奶嘅，個friend話好正(佢係奶類愛好者)，我信佢！
我自己除咗心太軟，就覺得佢哋嘅拿破崙好有層次感，唔係好甜，啱我。但奈何個肚唔爭氣，又係食唔落第二件。
結果埋單每人少過$600。
佢哋嘅質素比好多大酒店都好，可能有人會唔鍾意佢哋嘅環境(因為唔係酒店質素)，但我覺得嘢食真係超晒標，可以一再encore再encore！
张贴
