影片
更多
2020-06-10
352 浏览
今日係周年紀念日，當然要隆重其事慶祝一番啦，朋友介紹有一間omakase ，就去瘋狂豪一次啦。我哋嗌左個價錢高啲嘅餐牌，餐牌方面完全係有驚喜，佢會粗略話俾你聽呢餐大概有咩食，例如前菜茶碗蒸刺身同埋壽司手卷等等等等，每一道菜都係廚師俾你嘅驚喜。第一個驚喜係茶碗蒸，廚師俾咗黑松露蒸蛋俾我哋，上面仲淡淡金箔，黑松露香濃，d蛋滑到可以跌落喉嚨，為呢餐飯打開一個序幕。跟住就係一個小菜，入邊有海葡萄，魚仔乾，菠菜同埋梅浸蕃茄，廚師叫我地要跟住個次序食，由淡味去到濃味，真係有唔同嘅層次。小菜方面，有呢個令和怪物其實係蠔，呢個蠔好creamy 亦都有淡淡海水味，食完好幸福嘅感覺。下一道就係魷魚仔，魷魚仔雖然唔係好特別，但最特別之處係個醬汁，師傅話俾我哋聽呢個係蛋黃加醋整嘅，呢個醬汁真係點乜嘢都覺得好好食，亦都帶出魷魚仔嘅鮮味。每一道菜都帶着期待，呢味櫻煮八爪魚，師傅話浸左三日三夜，所以佢肉質好彈牙唔會好似出面嗰啲八爪魚咁咬崩牙，而且個醬汁亦都好入味。跟住就係一個突如其來嘅驚喜，師傅拎出一個炸起嘅帶子，包住脆脆嘅紫菜上面仲有一個調製左嘅沙律醬，真係成晚嘅高潮。不過原來高潮陸續有嚟，終於上壽司啦！嚟緊嘅壽
第一個驚喜係茶碗蒸，廚師俾咗黑松露蒸蛋俾我哋，上面仲淡淡金箔，黑松露香濃，d蛋滑到可以跌落喉嚨，為呢餐飯打開一個序幕。跟住就係一個小菜，入邊有海葡萄，魚仔乾，菠菜同埋梅浸蕃茄，廚師叫我地要跟住個次序食，由淡味去到濃味，真係有唔同嘅層次。
小菜方面，有呢個令和怪物其實係蠔，呢個蠔好creamy 亦都有淡淡海水味，食完好幸福嘅感覺。下一道就係魷魚仔，魷魚仔雖然唔係好特別，但最特別之處係個醬汁，師傅話俾我哋聽呢個係蛋黃加醋整嘅，呢個醬汁真係點乜嘢都覺得好好食，亦都帶出魷魚仔嘅鮮味。
每一道菜都帶着期待，呢味櫻煮八爪魚，師傅話浸左三日三夜，所以佢肉質好彈牙唔會好似出面嗰啲八爪魚咁咬崩牙，而且個醬汁亦都好入味。
跟住就係一個突如其來嘅驚喜，師傅拎出一個炸起嘅帶子，包住脆脆嘅紫菜上面仲有一個調製左嘅沙律醬，真係成晚嘅高潮。
不過原來高潮陸續有嚟，終於上壽司啦！嚟緊嘅壽司有白蝦，候黑，墨金精，同白虫貝，師傅好細心喺刺身上面界細刀再查返少少醬汁，啲魚全部都係即日喺日本運返嚟真係唔新鮮唔食啊。另外最回味無窮嘅係拖羅，拖羅入口即溶仲有好香嘅魚油味，而魚子粒粒脆卜卜仲要比嘅紫菜包圍着，食到咁上下師傅會俾個湯你青青口入邊嘅味蕾，跟住就係滿滿嘅海膽，食到飽飽地最後師傅俾埋個手卷真係100分滿足，最後比食埋靜岡蜜瓜同士多啤梨真係完美嘅一晚。
张贴
