Honbo (裝修中)

灣仔日街一帶好多型格餐廳，週日傍晚有唔少外國人喺度飲酒gathering，有點外國街頭嘅感覺。我哋去咗Honbo買漢堡包， 餐廳裝修好型，仲好威水㗎，佢入選咗 bloomberg 2020全球最佳漢堡包店。🍔Honbo 2.0 $160重量級漢堡有四塊2安士嘅漢堡扒， 仲有酸瓜洋蔥絲三塊芝士，好邪惡呀😍 漢堡扒嘅牛肉好juicy，少少粉紅色，漢堡扒肉質好有口感。🍔The gold standard $164呢款漢堡都好犀利，有兩塊4安士嘅漢堡扒，同雙層芝士，煙肉，酸瓜，生菜，洋蔥，食完好滿足。Side dishes揀咗薯條同蕃薯條，蕃薯條粗身好香甜。