影片
更多
2013-01-30
54 浏览
為左食呢度既dinner buffet,要足足等左成個月先有位,所以咁啱就當同我daddy慶祝埋生日la~6:30準時已經入座,環境幾舒適,走Causal路線~哇!真係好多野食lo首先,當然先攻凍盤海鮮類la!雖然冇生蠔供應,但有無限供應既龍蝦~d龍蝦又大隻又多膏,正!我地都食左幾轉呀~真係好少buffet有甘得既龍蝦食ga la!長腳蟹鮮甜多汁,仲有青口,非翠螺,凍虫叚都吾錯~令我最欣嘗既,就係呢個蟹肉三文魚子加魚子醬~三樣配起一齊食,真係勁好味真係未食過buffet有呢樣供應lo~仲係無限任拎tim~令我前後食左三份ar~之後就輪到食剌身,三文魚夠新鮮肥美,甜蝦鮮甜,最出色係d帶子,又厚又新鮮,正!沙律吧方面,各樣菜都好新鮮,仲有好多款芝士,最好食係個蒜蓉香草芝士,放上餅上面食,完全突出d芝士味~另外,parma ham都不錯,配上清甜既蜜瓜一齊食,好味~食完幾輪凍盤,係時候攻熱食la~梗係去食最多人排隊等既燒羊架同鴨肝先呢度d羊架真係得,肉夠嫩不會太熟同un,好味!鴨肝都算甘香,放上法包上一齊食,可中和返鴨肝既油分,不錯之後,就要試即場炒既鐵板牛肉粒~,火喉算控制得不錯,牛味頗突
為左食呢度既dinner buffet,要足足等左成個月先有位,所以咁啱就當同我daddy慶祝埋生日la~6:30準時已經入座,環境幾舒適,走Causal路線~哇!真係好多野食lo首先,當然先攻凍盤海鮮類la!
雖然冇生蠔供應,但有無限供應既龍蝦~d龍蝦又大隻又多膏,正!我地都食左幾轉呀~真係好少buffet有甘得既龍蝦食ga la!長腳蟹鮮甜多汁,仲有青口,非翠螺,凍虫叚都吾錯~
令我最欣嘗既,就係呢個蟹肉三文魚子加魚子醬~三樣配起一齊食,真係勁好味真係未食過buffet有呢樣供應lo~仲係無限任拎tim~令我前後食左三份ar~之後就輪到食剌身,三文魚夠新鮮肥美,甜蝦鮮甜,最出色係d帶子,又厚又新鮮,正!
沙律吧方面,各樣菜都好新鮮,仲有好多款芝士,最好食係個蒜蓉香草芝士,放上餅上面食,完全突出d芝士味~另外,parma ham都不錯,配上清甜既蜜瓜一齊食,好味~
食完幾輪凍盤,係時候攻熱食la~梗係去食最多人排隊等既燒羊架同鴨肝先呢度d羊架真係得,肉夠嫩不會太熟同un,好味!鴨肝都算甘香,放上法包上一齊食,可中和返鴨肝既油分,不錯
之後,就要試即場炒既鐵板牛肉粒~,火喉算控制得不錯,牛味頗突出,夠juicy,亦不會un
呢度既熟食種類好多,仲有咖喱,pizza,海南雞飯,泰式小食,中式小菜,湯等等,見到爸爸試埋呢度既喇沙同蟹粥,佢仲讚口不夠tim~最係,終於可以去攻我最愛既甜品la呢度既甜品都算多,d款式仲幾突別~我每一樣都試勻哂tim!
泡芙:入面有吉士cream,好味!榴連芝士蛋糕,榴連芝士tart:好香榴連味,好突別既甜品
栗子蛋糕,朱古力cheese cake,tirimisu都好好味
綠茶朱古力脆脆蛋糕:呢個好特別,又吾会太甜,good~
綠茶布丁,芒果布丁,baileys味布丁:呢度d布丁真係勁得!!又滑又夠濃味,食極都吾夠喉lo!推介!
麵包布甸:呢個又係我至愛!又熱又香,淋多d vanilla汁上面,勁正!
心太軟:即刻焗製,細細個方便食,不會太甜
雪糕:呢度用名牌Movenpick既雪糕,有五種味供應,我最鐘意青檸味同咖啡味,yummy!
之後,有侍應拿來一碟macaron俾我地揀,我地當然試哂每隻味la不過味道不算突出,有d仲偏甜,當中只得開心果味比較好(可能我食得太多正牌子既macaron lu),不過有macaron供應總算不錯了~以每位$488+10%既價錢嚟講,呢度咁多好野食絕對超值!雖然呢度好full好難book,但絕對值得等ga~以我食過咁多酒店buffet,真係好少會令我有各種類都出色既感覺~絕對值得推介!!最重要當然係見到屋企人佢地都食得咁開心la~~Happy birthday to my daddy!!
题外话/补充资料：
呢度好full,記得預早book ar~~
(以上食记乃用户个人意见 , 并不代表OpenRice之观点。)
张贴
