影片
更多
2023-10-19
72 浏览
呢間餐廳，位於酒店內，走暗黑型格高雅路線，入到去燈光昏暗，空間感十足，令餐廳更有情調❤️。一邊係酒吧，環境寧靜，好適合黎摸住酒杯底傾心事。餐廳仲有露天位置，一樣氣氛好好。如果同另一半黎，相信會係一個好浪漫嘅地方😊。食物亦好出色同用心，用上良好嘅新鮮食材，加上特別嘅烹調方法，令人好意外同驚喜🤩。⭐️煙三文魚芝士卷先來一道冷盤，三文魚卷內，包住海帶，芝士，同少少露筍，面頭鋪滿飛魚子，好日式，但又好西式，好似食緊fusion 菜咁，好有創意👍🏻。⭐️香煎北海道帶子帶子味道好鮮，煎得香但仲完美保存到水份。面頭放左啲味噌，令到海鮮鮮味大為提升！係個好有趣嘅做法👍🏻。再配埋底下嘅花椰菜泥，四粒唔夠喉啊！😬⭐️烤澳洲羊西冷好意外原來羊西冷係咁好食！可以話係冇咩油份，而且肉質爽口有彈性，烤到粉紅色咁剛剛好。出邊嘅餐廳都會依賴個醬汁去辟陣臊味，但係呢度佢冇咩用醬汁，反而個羊味好正，唔係好臊👍🏻👍🏻靚野黎！好食！⭐️燴澳洲牛面頰另一個好驚喜嘅菜式，個牛面頰真係燴到好腍好軟！係放落口後，就咁用條脷頂一頂，啲肉就已經散開☺️，個牛味又好濃！佢成件事同個味道都有啲似中式嘅炆牛腩，底下仲要墊咗塊白蘿蔔😂，好似食緊中西式fus
一邊係酒吧，環境寧靜，好適合黎摸住酒杯底傾心事。餐廳仲有露天位置，一樣氣氛好好。如果同另一半黎，相信會係一個好浪漫嘅地方😊。
食物亦好出色同用心，用上良好嘅新鮮食材，加上特別嘅烹調方法，令人好意外同驚喜🤩。
⭐️煙三文魚芝士卷
先來一道冷盤，三文魚卷內，包住海帶，芝士，同少少露筍，面頭鋪滿飛魚子，好日式，但又好西式，好似食緊fusion 菜咁，好有創意👍🏻。
⭐️香煎北海道帶子
帶子味道好鮮，煎得香但仲完美保存到水份。面頭放左啲味噌，令到海鮮鮮味大為提升！係個好有趣嘅做法👍🏻。再配埋底下嘅花椰菜泥，四粒唔夠喉啊！😬
⭐️烤澳洲羊西冷
好意外原來羊西冷係咁好食！可以話係冇咩油份，而且肉質爽口有彈性，烤到粉紅色咁剛剛好。出邊嘅餐廳都會依賴個醬汁去辟陣臊味，但係呢度佢冇咩用醬汁，反而個羊味好正，唔係好臊👍🏻👍🏻靚野黎！好食！
⭐️燴澳洲牛面頰
另一個好驚喜嘅菜式，個牛面頰真係燴到好腍好軟！係放落口後，就咁用條脷頂一頂，啲肉就已經散開☺️，個牛味又好濃！佢成件事同個味道都有啲似中式嘅炆牛腩，底下仲要墊咗塊白蘿蔔😂，好似食緊中西式fusion菜咁👍🏻。
旁邊嘅炸薯仔波波都好好食！入邊加左其他材料，同薯仔一齊打到爛晒，再炸。外脆，內軟，真材實料，好食！
⭐️First Kiss
蘋果汁cold brew rose tea，第一下入口係有啲酸酸地，但係玫瑰花茶嘅味道好出，如果想叫牛面頰呢種濃味嘢嘅朋友仔，呢一個就好啱啦。
⭐️First Morning
芒果汁cold brew red tea，相較之下呢個係比較淡味啲，如果用呢一杯，配味道比較淡嘅羊西冷就好夾啦😊。
张贴
