Boholic

营业中

休息中

行過長沙灣估唔到有間裝修得好文青嘅西餐廳，於是入去試吓。《冬日暖意》三重特濃芝士火鍋呢set芝士火鍋都幾豐富，有外面煎到焦香嘅牛舌，西蘭花，薯仔，彈牙嘅大蝦，烘到脆卜卜嘅麵包，而芝士火鍋嘅芝士醬都好creamy,將呢d配菜點落芝士火鍋又唔覺得膩，仲好香芝士味，好味。香煎美國特級豬梅排配黑蒜香醋汁豬梅排煎到啱啱好，表面有焦脆口感，d肉質一d都唔鞋好彈牙，點埋黑醋汁可以減低油膩感，正。香煎秘制蒜辣醬珍寶澳洲野生海虎蝦辣蕃茄鮮全蛋闊麵隻蝦真係好誇張地大隻，差唔多成隻碟咁大隻，d蝦肉質地勁彈牙爽口，煮到啱啱好，完全冇overcook,而d麵條都煙韌彈牙，個醬汁同蕃茄都辣辣地勁惹味，鍾意食辣嘅朋友就最啱。